ໃຕ້ຫວັນຕຽມຍ້າຍຖານຜະລິດອອກຈາກຈີນໄປອິນເດຍ

ຕອນນີ້ບໍລິສັດໃຕ້ຫວັນຫຼາຍໆບໍລິສັດກຳລັງພະຍາຍາມສຶກສາຊ່ອງທາງໃນການເພິ່ງພາເສດຖະກິດຂອງຈີນໃຫ້ໜ້ອຍລົງ ຍ້ອນບໍ່ຢາກໂດນລູກຫຼົງຂອງສົງຄາມການຄ້າຈົນເຮັດໃຫ້ຍອດຂາຍຕົກລົງອີກ.

ໜຶ່ງໃນປະເທດເປົ້າໝາຍທີ່ຢູ່ໃນແຜນການຍ້າຍຖານການລົງທຶນໃນຄັ້ງນີ້ກໍ່ຄື: ປະເທດອິນເດຍ ທີ່ມີຕະຫຼາດໃຫຍ່ຮອງລົງມາຈາກຈີນ, ຈາກການທີ່ອິນເດຍມີປະຊາກອນບໍ່ຕໍາກວ່າ 1,000 ລ້ານກວ່າຄົນ ແຖມຄ່າຈ້າງກຳມະກອນກໍ່ຍັງຖືກອີກດ້ວຍ ແລະ ຍັງມີມາດຕະການລຸດຜ່ອນພາສີໃຫ້ອີກດ້ວຍ ເຊັ່ນວ່າ:  ບໍລິສັດ Pegatron ທີ່ເປັນຮຸ້ນສ່ວນຂອງບໍລິສັດ Apple ທີ່ມີລາຍໄດ້ຫຼາຍກວ່າ 4 ໝື່ນລ້ານໂດລາ ໃນປີ 2019 ເຊິ່ງຕອນນີ້ກຳລັງວາງແຜນທີ່ຈະຍ້າຍໂຮງງານຂອງໂຕເອງອອກຈາກຈີນແລ້ວໄປຕັ້ງຢູ່ປະເທດອິນເດຍແທນ (ກຳລັງຢູ່ໃນຂັ້ນຕອນການຂໍອະນຸຍາດສ້າງຕັ້ງໂຮງງານ).

ສາເຫດທີ່ອິນເດຍນັ້ນກຳລັງກາຍເປັນຈຸດສົນໃຈ ແລະ ເປົ້າໝາຍໃນການລົງທຶນຄັ້ງໃຫມ່ຂອງບໍລິສັດໃຕ້ຫວັນນັ້ນ ເປັນຍ້ອນຄວາມພະຍາຍາມຂອງ ນາຍົກລັດຖະມົນຕີອິນເດຍ ທ່ານ ນາເລນທຼາ ໂມດີ ທີ່ໄດ້ລຸດພາສີເງິນໄດ້ນິຕິບຸກຄົນລົງຈາກ 30% ໃຫ້ເຫຼືອ 20% ເພື່ອດຶງດູດນັກລົງທຶນຕ່າງປະເທດໃຫ້ເຂົ້າມາລົງທຶນໃນອິນເດຍ.

ການຍ້າຍຖານການລົງທຶນຂອງ Pegatron ໃນຄັ້ງນີ້ບໍ່ແມ່ນເປັນບໍລິສັດທຳອິດທີ່ມີການຍ່າຍຖານ. ຈາກສະຖິຕິແລ້ວ ໃນປີ 2018 ນັ້ນ, ບໍລິສັດໃຕ້ຫວັນໄປລົງທຶນໃນອິນເດຍແລ້ວເກືອບ 400 ລ້ານໂດລາ. ປະຈຸບັນນີ້ມີປະມານ 140 ບໍບິສັດໃຕ້ຫວັນທີ່ເຂົ້າໄປລົງທຶນໃນອິນເດຍ ເຊິ່ງຖືວ່າເປັນຈໍານວນການຂະຫຍາຍໂຕທີ່ດີຂຶ້ນເລື້ອຍໆໃນຊ້ວງໄລຍະເວລາ 4 ປີທີ່ຜ່ານມາ. ມູນຄ່າການຄ້າລະຫວ່າງ ອິນເດຍ ແລະ ໃຕ້ຫວັນ ເພີ່ມຂຶ້ນມາເປັນ 14% ຫຼືເກືອບບຸນລຸ 6 ພັນລ້ານໂດລາ.

ນອກຈາກບໍລິສັດ Pegatron ແລ້ວ ຍັງມີ ບໍລິສັດ Teco, Delta Electronics, Maxxis ທີ່ກຳລັງພະຍາຍາມສຶກສາຫາຊ່ອງທາງໃນການຍ້າຍຖານຜະລິດຂອງໂຕເອງໄປປະເທດອິນເດຍ. ສ່ວນບໍລິສັດ Foxconn, Wistron, Media Tek ນັ້ນມີຖານການຜະລິດຢູ່ອິນເດຍບາງສ່ວນແລ້ວ. ໃນເດືອນທັນວ່າ 2018 ທີ່ຜ່ານມາ, ລັດວິສະຫະກິດນໍ້າມັນ CPC Corporation ຂອງໃຕ້ຫວັນກໍ່ຫາສິເປີດໂຕຫ້ອງການໃຫມ່ທີ່ອິນເດຍ ແລະ ຕອນນີ້ກຳລັງວາງແຜນທີ່ຈະເປີດໂຮງກັ່ນນໍ້າມັນພາຍໃນອິນເດຍໃນປີໜ້າອີກດ້ວຍ.

ສຳລັບກຸ່ມປະເທດອາຊ້ຽນນັ້ນ ທາງບໍລິສັດໃຕ້ຫວັນເຫັນວ່າຍັງມີບັນຫາໜຶ່ງທີ່ຍັງບໍ່ທັນເປັນທີ່ສົນໃຈນັ້ນກໍ່ຄື: ກຸ່ມປະເທດເລົ່ານີ້ຫຼາຍໆປະເທດຍັງມີລັກສະນະເປັນເກາະ ເຮັດໃຫ້ການເຊື່ອຕໍ່ຫ່ວງໂສ້ອຸປະທານນັ້ນເຮັດໄດ້ຍາກກວ່າການຕັ້ງໂຮງງານຢູ່ປະເທດທີ່ມີແຜນດີນໃຫຍ່. ສ່ວນອິນເດຍແມ່ນຕອບໂຈດໃຫ້ບໍລິສັດໃຕ້ຫວັນໄດ້ທຸກໆເງື່ອນໄຂ ແຖມປະຊາກອນຂອງອິນເດຍກໍ່ມີຈໍານວນຫຼາຍ ແລະ ເປັນກຸ່ມຄົນທີ່ຢູ່ໃນຊ້ວງໄວໜຸ່ມສາວ, ແຕ່ປະເທດຂົງເຂດອາຊ້ຽນຫຼາຍປະເທດນັ້ນກຳລັງພົບພໍ້ກັບບັນຫາສັງຄົມຜູ້ສູງອາຍຸ ເລີຍເຮັດໃຫ້ບັນດາບໍລິສັດໃຕ້ຫວັນເລື່ອກທີ່ຈະຍ້າຍຖານຜະລິດຕອງໂຕເອງໄປປະເທດອິນເດຍເປັນເງື່ອນໄຂທຳອິດນັ້ນເອງ.

----------------------------------------

👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020