4 ບໍລິສັດນໍ້າມັນລາຍໃຫຍ່ຂອງຈີນກຳລັງຮ່ວມມືກັນຈັດຕັ້ງເປັນກຸ່ມຊື້ນໍ້າມັນດີບ

4 ບໍລິສັດນໍ້າມັນລາຍໃຫຍ່ຂອງຈີນກຳລັງຮ່ວມມືກັນຈັດຕັ້ງເປັນກຸ່ມຊື້ນໍ້າມັນດີບ ເພື່ອເພີ່ມອໍານາດໃນການຕໍ່ລອງກັບກຸ່ມໂອເປັກ (OPEC) ແລະ ຫຼີກລ້ຽງການສະເໜີລາຄາແຂ່ງຂັນກັນເອງ.

* ກຸ່ມໂອເປັກ (OPEC) ຫຍໍ້ມາຈາກ Organization of Petroleum Exporting Countries ຫຼື ແປວ່າ "ອົງການກຸ່ມປະເທດຜູ້ສົ່ງອອກນໍ້າມັນ" ຖືກກໍ່ຕັ້ງຂຶ້ນໃນປີ 1960, ມີປະເທດສະມາຊິກຜູ້ກໍ່ຕັ້ງທຳອິດຢູ່ 5 ປະເທດຄື: ຊາອຸດິດອາລາເບຍ, ອີຣັກ, ອີຣ່ານ, ຄູເວດ ແລະ ເວເນສະເວລາ. ທຳອິດມີຫ້ອງການໃຫຍ່ຢູ່ປະເທດສະວິດເຊີແລນ. ປະຈຸບັນກຸ່ມໂອເປັກມີສະມາຊິກເພີ່ມຂຶ້ນມາອີກ 8 ປະເທດຄື: ສະຫະລັດອາຣັບເອມີເລດ, ໄນຈີເລຍ, ເອວຈີເລຍ, ລີເບຍ, ກາບອງ, ແອງໂກລາ, ກີນີ ແລະ ຄອງໂກ ລວມທັງໝົດເປັນ 13 ປະເທດ ແລະ ໄດ້ຍ້າຍຫ້ອງການໃຫຍ່ມາຢູ່ປະເທດອອສເຕຣຍ ຕັ້ງແຕ່ປີ 1965.

ຕະຫຼອດໄລຍະ 60 ປີທີ່ຜ່ານມາ, ກຸ່ມໂອເປັກໄດ້ພະເຊີນກັບບັນຫາໃຫຍ່ໆມາໂດຍຕະຫຼອດ ເຊັ່ນວ່າ:

 1. ບັນຫາພາຍໃນກຸ່ມປະເທດສະມາຊິກດ້ວຍກັນເອງ ຍ້ອນການບໍ່ຍອມຫຼຸດກຳລັງດານຜະລິດລົງຕາມທີ່ໄດ້ຕົກລົງກັນໄວ້.

2. ບັນຫາກັບບໍລິສັດຜູ້ຜະລິດນໍ້າມັນເຊວອອຍໃນສະຫະລັດ.

3. ບັນຫາທີ່ພະລັງງານທົດແທນຕ່າງໆທີ່ພະຍາຍາມຈະເຂົ້າມາແທນທີ່ນໍ້າມັນ ເຊັ່ນ: ພະລັງງານໄຟຟ້າ, ພະລັງວານລົມ ແລະ ພະລັງງານແສງອາທິດ ເປັນຕົ້ນ.

4. ບັນຫາສົງຄາມຂາຍຕັດລາຄານໍ້າມັນກັບຜູ້ຜະລິດດ້ວຍກັນເອງ.

ຢ່າງໃດກໍ່ຕາມ ກຸ່ມໂອເປັກກໍ່ສານມາຜ່ານຜ່າບັນຫາເລົ່ານີ້ໄປໄດ້, ແຕ່ບັນຫາທີ່ກ່າວມາມາໃນຂ້າງເທິງນີ້ລ້ວນແລ້ວແຕ່ຈັດວ່າເປັນບັນຫາການຕໍ່ສູ່ກັນທາງດ້ານອຸປະທານ (Supply) ທັງນັ້ນ, ກຸ່ມໂອເປັກຍັງບໍ່ເຄີຍພົບບັນຫາກັບບັນຫາປະເທດຜູ້ນໍາເຂົ້ານໍ້າມັນຮ່ວມໂຕກັນມາກ່ອນ. ເຖິວແມ່ນວ່າກຸ່ມຜູ້ນໍາເຂົ້ານໍ້າມັນດີບທີ່ພະຍາຍາມຮ່ວມໂຕກັນໃນຄັ້ງນີ້ຈະມາຈາກພຽງປະເທດເທດດຽວກໍ່ຕາມ, ແຕ່ຄວາມຕ້ອງການນໍ້າມັນດີບຂອງຈີນທີ່ຂະຫຍາຍໂຕຂຶ້ນທຸກໆປີ ເຮັດໃຫ້ປະລິມານການຊື້ຂອງກຸ່ມນີ້ມັນບໍ່ແມ່ນໂຕເລັກທີ່ໜ້ອຍໆເລີຍ ແລະ ຍັງສືບຕໍ່ຂະຫຍາຍໂຕຂຶ້ນເລື້ອຍໆຈົນອາດກາຍເປັນບັນຫາໃນໄລຍະຍາວຂອງກຸ່ມໂອເປັກກໍ່ເປັນໄດ້.

ປະຈຸບັນທາງບໍລິສັດ China Petroleum & Chemical, ບໍລິສັດ PetroChina, ບໍລິສັດ CNOOC ແລະ Sinochem Group Co, 4 ບໍລິສັດນໍ້າມັນລາຍໃຫຍ່ຂອງຈີນກຳລັງຫັນໜ້າເຂົ້າປຶກສາຫາລືກັນກ່ຽວກັບການຮ່ວມມືກັນໃນການຈັດຕັ້ງກຸ່ມຊື້ນໍ້າມັນດີບຮ່ວມກັນຢ່າງເອົາຈິງເອົາຈັງແທນທີ່ທີ່ຈະຊື້ແບບຊື້ໃຜຊື້ມັນ (ຮ່ວມກັນໄດ້ລາຄາຖືກ, ແຍກກັນໄດ້ລາຄາແພງ). ຖ້າພິຈາລະນາຕາມໂຕເລກແລ້ວກຸ່ມບໍລິສັດຂອງຈີນເລົ່ານີ້ຈະມີປະລິມານຄວາມຕ້ອງການຊື້ນໍ້າມັນ 5 ລ້ານບາເລວ/ມື້ ຫຼື ຕົກເປັນ 20% ຂອງການຜະລິດທັງໝົດຂອງກຸ່ມໂອເປັກເລີຍ ແລະ ກາຍເປັນຜູ້ຊື້ນໍ້າມັນດີບລາຍໃຫຍ່ທີ່ສຸດຂອງໂລກໄປໃນທັນທີ.

ກຸ່ມຂອງລິສັດນໍາເຂົ້ານໍ້າມັນດີບຂອງຈີນເລົ່ານີ້ກຳລັງຮ່ວມມືກັນເຂົ້າຕໍ່ລອງລາຄາກັບຣັດເຊຍ ແລະ ອັບຟຣີກາເຊິ່ງເປັນການຊື້ແບບຕະຫຼາດ Spot ກ່ອນ, ຫຼັງຈາກນັ້ນກໍ່ຈະໄປຕໍ່ລອງສັນຍາການຊື້ນໍ້າມັນໄລຍະຍາວ (Term Contract) ຈາກກຸ່ມຜູ້ຜະລິດຢູ່ຕາເວັນອອກກາງຕໍ່ໄປ.

ນີ້ບໍ່ແມ່ນຄັ້ງທຳອິດທີ່ບັນດາບໍລິສັດຈີນໄດ້ຈັດຕັ້ງໂຄງການໃນລັກສະນະນີ້ ເພື່ອເອົາໄວ້ບີບຜູ້ຜະລິດ. ໃນປີ 2003 ຊ້ວງທີ່ຄວາມຕ້ອງການທອງແດງຂອງຈີນກຳລັງຂະຫຍາຍໂຕຂຶ້ນຢ່າງວອງໄວ, ບໍລິສັດລາຍໃຫຍ່ຂອງຈີນ ເຊັ່ນ: ບໍລິສັດ Jiangxi Copper ແລະ ບໍລິສັດ Tongling Nonferrous Metals Group ກໍ່ເຄີຍໄດ້ຈັດຕັ້ງກຸ່ມຜູ້ນໍາເຂົ້າທອງແດງຮ່ວມກັນມາກ່ອນທີ່ຮູ້ຈັກກັນໃນຊື່ CSPT ເພື່ອພະຍາຍາມເຂົ້າໄປກົດລາຄາຂອງຜູ້ຂາຍຈາກຕ່າງປະເທດ. ປະຈຸບັນສະມາຊິກກຸ່ມດັ່ງກ່າວໃນຈີນເພີ່ມຂຶ້ນມາຫຼາຍກວ່າ 10 ບໍລິສັດແລ້ວ ແລະ ມີອັດຕາສ່ວນການນໍາເຂົ້າທອງແດງຂອງຈີນກວ່າ 80%.

ຕ້ອງໄດ້ຕິດຕາມກັນຕໍ່ໄປວ່າການຮວມໂຕກັນຂອງກຸ່ມຜູ້ນໍາເຂົ້ານໍ້າມັນດີບຂອງຈີນຈະສົ່ງຜົນໃຫ້ທາງກຸ່ມໂອເປັກຕ້ອງປັບປ່ຽນນະໂຍບາຍຕໍ່ໄປແນວໃດແດ່?

ຊ່ວຍກົດໄລນ໌, ກົດຕິດຕາມ ຫຼື ກົດແຊລ໌ ເພື່ອເປັນກຳລັງໃຈໃຫ້ແກ່ພວກເຮົາແດ່ເດີ.