ຍີ່ປຸ່ນຕຽມຍ້າຍຖານການຜະລິດອອກຈາກຈີນ

ປະເດັນກ່ຽວກັບສົງຄາມການຄ້າ ແລະ ການປ່ຽນແປງຂອງລະບົບຕ່ອງໂສ້ອຸປະທານລະດັບໂລກທີ່ເກີດຂຶ້ນຈາກຄວາມຂັດແຍ່ງລະຫວ່າງ ຈີນ ກັບ ສະຫະລັດ ໃນຊ້ວງ 2-3 ປີທີ່ຜ່ານມານັ້ນໄດ້ສ້າງຄວາມເສັຍຫາຍ ແລະ ຜົນກະທົບຢ່າງຮຸນແຮງໃນວົງກວ້າງ. ທັງໃນຂົງເຂດອາຊີຕາເວັນອອກສຽງໃຕ້, ອາຊີໃຕ້, ເອີຣົບ, ຕາເວັນອອກກາງ, ອັບຟຣີກາ ຫຼື ອາເມລິກາເອງ. ດັ່ງທີ່ເຫັນໄດ້ຈາກທີ່ຫຼາຍໆປະເທດຕ້ອງພະຍາຍາມປັບໂຕເຂົ້າຫາແນວຄິດການລວມກຸ່ມໃນລະດັບເຂດຂົດພາກພື້ນຫຼາຍຍິ່ງຂຶ້ນ ເນື່ອງຈາກປະເທດເລົ່ານີ້ເລີ່ມຮູ້ສຶກໂຕແລ້ວວ່າລະບົບເສດຖະກິດໂລກທີ່ເຄີຍຂຶ້ນຢູ່ກັບສະຫະລັດນັ້ນກຳລັງກ້າວມາເຖີງຈຸດປ່ຽນ. ສະຫະລັດໃນຖານະຜູ້ນໍາຝ່າຍໂລກເສລີນິຍົມກຳລັງປະກາດຖອນໂຕອອກຈາກເຄືອຂ່າຍລະຫວ່າງປະເທດ. ປະທານາທິບໍດີ ໂດນໍ ທຣໍ້າ ພະຍາຍາມອອກມາຖະແຫຼງຂ່າວຂົ່ມຂູ່ໂລກເກືອບທຸກມື້, ບໍ່ວ່າຈະເປັນການດຶງເອົາສະຫະລັດອອກຈາກອົງການອະນາໄມໂລກ ຫຼື WHO.

ມາຮອດທ້າຍປີທີ່ຜ່ານມາກໍ່ຍັງມີການເວົ້າເຖີງຄວາມສໍາຄັນຂອງລະບົບເຄືອຂ່າຍຄວາມໝັ້ນຄົງລະດັບຂົງເຂດພາກພື້ນຢ່າງ ອົງການສົນທິສັນຍາແອັດແລນຕິກເໜືອ ຫຼື NATO ໂດຍອ້າງວ່າປະເທດພັນທະມິດຂອງສະຫະລັດພາຍໃນ NATO ບໍ່ຍອມຈ່າຍເງິນໃຫ້ NATO ຢ່າງພຽງພໍຕາມໂຄຕ້າທີ່ສະຫະລັດກຳນົດ (ຂັ້ນຕໍ່າ 2% ຂອງ GDP).

ແລະ ປະເທດທີ່ໄດ້ຮັບຄວາມເດືອດຮ້ອນບຝຄືກັບປະເທດອື່ນໃນແວດວົງພັນທະມິດຂອງສະຫະລັດນັ້ນກໍ່ຄື ຍີ່ປຸ່ນ ເຊິ່ງເຄີຍຄາດຫວັງໄວ້ວ່າສະຫະລັດຈະສ້າງການຮ່ວມມືທາງເສດຖະກິດຂະໜາດໃຫຍ່ທີ່ຊື່ Trans-Pacific Partnership ຫຼື TPP ຂຶ້ນມາ ເພື່ອໃຫ້ຍີ່ປຸ່ນໄດ້ເກາະການຈະເລີນເຕີບໂຕທາງເສດຖະກິດ, ແຕ່ສຸດທ້າຍແລ້ວ ທ່ານ ໂດນໍ ທຣໍ້າ ກໍ່ຖອນໂຕອອກຈາກ TPP ໄປ, ເຮັດໃຫ້ຍີ່ປຸ່ນຕ້ອງຕັດສີນໃຈກ້າວຂຶ້ນມາຮັບບົດບາດເປັນຜູ້ນໍາຂອງ TPP ເອງ ແລ້ວປ່ຽນຊື່ເປັນ CPTPP ເພື່ອບໍ່ໃຫ້ຂໍ້ຕົກລົງດັ່ງກ່າວພັງທະລາຍລົງ. ແຕ່ຜົນຂອງຄວາມພະຍາຍາມໃນການປັບປ່ຽນລະບົບຕ່ອງໂສອຸປະທານຂອງໂລກທີ່ ທ່ານ ໂດນໍ ທຣໍ້າ ໄດ້ລິເລີ່ມຂຶ້ນ ເຮັດໃຫ້ຍີ່ປຸ່ນໄດ້ຮັບຜົບກະທົບທາງອ້ອມທີ່ສໍາຄັນຢ່າງໜຶ່ງຄື ຄວາມລໍາບາກໃນການເຮັດທຸລະກິດກັບປະເທດຈີນ.

ຫຼາຍປີມານີ້ຍີ່ປຸ່ນພະຍາຍາມຢ່າງໜັກທີ່ຈະດຶງເອົາທຸລະກິດ ແລະ ຖານການຜະລິດທັງໝົດອອກຈາກຈີນ. ໃນປີກ່ອນໆ ເຮົາໄດ້ເຫັນກັນແດ່ແລ້ວວ່າຍີ່ປຸ່ນເລີ່ມເຮັດການ Relocate ຄັ້ງໃຫຍ່ ໂດຍການຍ້າຍບໍລິສັດຂອງຕົນໄປຕັ້ງໄວ້ທີ່ປະເທດຫວຽດນາມ, ບໍ່ວ່າຈະເປັນບໍລິສັດເຄື່ອງໃຊ້ໄຟຟ້າ, ອຸປະກອນຊີ້ນສ່ວນຕ່າງໆ.

ການເຄື່ອນໄຫວຫຼ້າສຸດທີ່ທາງສໍານັກຂ່າວ Bloomberg ແລະ Nikkei Asian Review ລາຍງານອອກມານັ້ນພົບວ່າ ລັດຖະບານຍີ່ປຸ່ນກຳລັງພະຍາຍາມຊັກຊວນກຸ່ມບໍລິສັດຂອງຕົນເອງໃຫ້ຖອນໂຕອອກຈາກປະເທດຈີນໃຫ້ຫຼາຍທີ່ສຸດ. ຈົນເຖີງຂັ້ນຈະຈ່າຍເງິນສະໜັບສະໜູນໃຫ້ແກ່ບໍລິສັດ ແລະ ກຸ່ມທຶນອຸດສາຫະກຳຕ່າງໆທີ່ຍີນຍອມຍ້າຍຖານການຜະບິດອອກມາຈາກຈີນຕາມຄໍາຮ້ອງຂອງລັດຖະບານ ແລ້ວເອົາໄປໄວ້ທີ່ປະເທດແຖວອາຊ້ຽນແທນ ເພື່ອລຸດຜ່ອນການເພິ່ງພາທາງເສດຖະກິດຈາກຈີນ.

ໃນເບື້ອງຕົ້ນຂໍ້ມູນຈາກກະຊວງເສດຖະກິດການຄ້າ ແລະ ອຸດສາຫະກຳຂອງຍີ່ປຸ່ນເຜີຍວ່າ ຂະນະນີ້ມີຢ່າງໜ້ອຍເກືອບ 60 ບໍລິສັດແລ້ວ ລວມທັງ Iris Ohyama ແລະ Sharp ທີ່ຢູ່ໃນລິດລາຍຊື່ກຸ່ມບໍລິສັດທີ່ລັດຖະບານຕັ້ງໃຈຈະແຈກເງິນສະໜັບສະໜູນໃນການຍ້າຍຖານການຜະລິດ.

ສ່ວນອີກ 30 ບໍລິສັດນັ້ນທາງລັດຖະບານນຍີ່ປຸ່ນຕັ້ງໃຈເອົາໄວ້ວ່າຈະກຳນົດໃຫ້ຍ້າຍໄປເປັນແຕ່ລະກໍລະນິໄປ. ສ່ວນປະເທດທີ່ກຸ່ມບໍລິສັດຍີ່ປຸ່ນສົນໃຈໃນຂົງເຂດອາຊ້ຽນແມ່ນໄດ້ແກ່ ຫວຽດນາມ, ໄທ, ມາເລເຊັຍ, ສິງກະໂປ, ແລະ ພະມ້າ ເປັນຕົ້ນ. ເງິນກ້ອນທະອິດທີ່ລັດຖະບານປະກາດວ່າຈະນໍາອອກມາອັດສິດໃຫ້ກ່ອນນັ້ນມີມູນຄ່າ 6.5 ແສນລ້ານໂດລາ ຫຼື 70 ຕື້ເຢັນ ເຊິ່ງເປັນເງິນທີ່ລັດຖະບານຕັ້ງໃຈຈະເທລົງໄປ ເພື່ອແຍກໂຕອອກຈາກຈີນ ແລະ ຫຸດການເພິ່ງພາເສດຖະກິດ ແລະ ຕ່ອງໂສ້ອຸປະທານຂອງຈີນໃຫ້ໜ້ອຍລົງ.

ທາງເລືອກສໍາລັບບໍລິສັດຍີ່ປຸ່ນທີ່ຢູ່ໃນລິດລາຍຊື່ຂອງກະຊວງເສດຖະກິດການຄ້າ ແລະ ການອຸດສະຫະກຳນັ້ນມີຢູ່ 2 ທາງຄື ຈະຍ້າຍໂຮງງານກັບມາຍີ່ປຸ່ນ ຫຼື ຈະຍ້າຍໄປຕັ້ງໃຫມ່ຢູ່ປະເທດອື່ນໃນຂົງເຂດປະເທດອາຊ້ຽນ.

ແປວ່າ ຈັ່ງໃດລັດຖະບານຍີ່ປຸ່ນກໍ່ຈະໃຫ້ບໍລິສັດຂອງຕົນຍ້າຍອອກຈາກຈີນ ບໍ່ພຽງແຕ່ຍ້ອນຜົນກະທົບຂອງສົງຄາມການຄ້າແຕ່ຢ່າງດຽວ, ແຕ່ເປັນເຫດຜົນນ້ອນການຢາກຫຼຸດຜ່ອນການເພິ່ງພາຈີນໃຫ້ໜ້ອຍລົງ. ນອກຈາກນີ້ອີກປັດໃຈໜຶ່ງນັ້ນກໍ່ຄືການລະບາດຂອງພະຍາດໂຄວິດ-19 ທີ່ທາງລັດຖະບານຈີນບໍ່ຍອມເປີດເຜຍຂໍ້ມູນຢ່າງລະອຽດຕໍ່ເວທີໂລກ ຈົນເຮັດໃຫ້ພະຍາດບະບາດໄປທົ່ວໂລກ ແລະ ເຮັດໃຫ້ຈີນຕ້ອງທີການລ໊ອກດາວເມືອງຕ່າງໆ ເຮັດໃຫ້ເສດຖະກິດຍີ່ປຸ່ນເສັຍຫາຍຢ່າງໜັກ ເນື່ອງຈາກຍີ່ປຸ່ນເຂົ້າໄປລົງທຶນໃນຈີນມູນຄ່າມະຫາສານ, ປັດໃຈເລົ່ານີ້ກໍ່ເລີຍເປັນແຮງຜັກດັນໃຫ້ລັດຖະບານຍີ່ປຸ່ນຢາກໃຫ້ບໍລິສັດຂອງຕົນຍ້າຍຖານການຜະລິດອອກຈາກຈີນໃນຊ້ວງນີ້ນັ້ນເອງ.

----------------------------------------

👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020