ເລື່ອງຈີງ: ຈອນ ດວງດາຣາ ຄົນລາວສັນຊາດອາເມລິກາ ຜູ້ພີຊີບໃນສົງຄາມອາການິດສະຖານ

ຈອນ ດວງດາຣາ, ຄົນລາວສັນຊາດອາເມລິກາ ຜູ້ພີຊີບພ້ອມ Seal Team Six 🇺🇸🇱🇦 ໃນສົງຄາມອັບການິດສະຖານ.

** Seal Team Six ແມ່ນໜ່ວຍປະຕິບັດການພິເສດຂອງກອງທັບເຮືອສະຫະລັດອາເມລິກາ ເຊິ່ງເປັນໜ່ວຍຮົບພິເສດທີ່ມີຊື່ສຽງອັນດັບຕົ້ນໆຂອງໂລກ.

ຈອນ ດວງດາຣາ ເປັນເຈົ້າໜ້າທີ່ K9 ທີ່ເປັນບຸກຂະລາກອນຂອງໜ່ວຍບັນຊາການສົງຄາມພິເສດທາງເຮືອສະຫະລັດ, ເຮັດໜ້າທີ່ສະໜັບສະໜູນພາລະກິດພາຍໃນ Seal Team Six ໃນທີມ Gold Squadron. ຈອນ ດວງດາຣາ ເສັຍຊີວິດໃນເຫດການ ເຮລີຄອບເຕີ Ch-47D Chinook ຫຼື Extortion 17 ຖືກກຸ່ມຕາລີບັນໂຈມຕີ ໂດຍການຍິງຈະຫຼອດ RPG ໃສ່ຂະນະກຳລັງລໍາລຽງທີມຕອບໂຕ້ໄວ (QRF) ເຂົ້າໄປຊ່ວຍທີມ US Army Ranger ທີ່ກຳລັງຖືກກຸ່ມຕາລີບັນອ້ອມໄວ້ ຈົນເປັນເຫດໃຫ້ເຈົ້າໜ້າທີ່ຢູ່ເຮລີຄອບເຕີລໍານີ້ເສັຍຊີວິດທັງໝົດ 38 ຄົນ ລວມທັງໂຕ ຈອນ ດວງດາຣ ນໍາ.

ຄອບຄົວຂອງລາວໄດ້ອົບພະຍົກໜີອອກຈາກປະເທດລາວໄປສະຫະລັດໃນປີ 1979. ຈອນ ເກີດຫຼັງຈາກທີ່ຄອບຄົວຂອງລາວອົບພະຍົກໄປຢູ່ສະຫະລັດໄດ້ 4-5 ປີ ທີ່ເມືອງ South Sioux. ຕອນເປັນເດັກນ້ອຍ, ຈອນ ເປັນຄົນທີ່ມັກເຮັດກິດຈະກຳໃນໂຮງຮຽນ ແລະ ເປັນຄົນທີ່ມີອາລົມດີ, ແຕ່ລາວເປັນຄົນເວົ້າບໍ່ຄ່ອຍເກັ່ງປານໃດ. ລາວເປັນຄົນໂຕນ້ອຍ, ມີຄວາມສູງພຽງແຕ່ 165 cm.

ລາວຈົບການສຶກສາຈາກ ໂຮງຮຽນມັດທະຍົມ South Sioux ແລະ ໄດ້ສະມັກເຂົ້າກອງທັບເຮືອສະຫະລັດ. ຄອບຄົວຂອງລາວຕ້ອງການໃຫ້ລາວຮຽນຕໍ່, ແຕ່ລາວປະຕິເສດຍ້ອນລາວຕ້ອງການເຮັດໃນສິ່ງທີ່ລາວມັກ ນັ້ນກໍ່ຄືການເປັນທະຫານ.

ຈອນ ເປັນຄົນຮັກໝາ. ຄອບຄົວຂອງລາວບໍ່ເຄີຍຮູ້ເລື່ອງວຽກຂອງລາວເລີຍ. ບໍ່ຮູ້ຮອດວ່າລູກຊາຍຂອງຕົນກຳລັງເຮັດໜ້າທີ່ພາຍໃນທີມທີ່ຂຶ້ນຊື່ເລື່ອງສຸດຍອດທີ່ສຸດສຳລັບນັກຮົບພິເສດຂອງໂລກ ຢ່າງ Seal Team Six. ຄອບຄົວຂອງລາວຈະຮູ້ກໍ່ຕໍ່ເມື່ອລາວກັບຈາກພາລະກິດ ແລະ ບອກພຽງບາງສ່ວນເທົ່ານັ້ນ.

ຈອນ ຜ່ານການເຮັດພາລະກິດລັບນອກປະເທດມາແລ້ວ 5 ປະເທດ (ບໍ່ໄດ້ເປີດເຜີຍວ່າປະເທດໃດແດ່). ລາວໄດ້ຢູ່ພ້ອມໜ້າພ້ອມຕາກັບຄອບຄົວຄັ້ງສຸດທ້າຍຕອນງານແຕ່ງຂອງເອື້ອຍລາວ. ລາວໃຊ້ເວລາຢູ່ກັບຄອບຄົວໃນງານກີນລ້ຽງ

ກ່ອນທີ່ລາວຈະອອກໄປປະຕິບັດພາລະກິດເປັນຄັ້ງສຸດທ້າຍໃນຊີວິດຂອງລາວ ແລະ ວັນທີຄອບຄົວຂອງລາວໄດ້ຮັບຂ່າວຮ້າຍທີ່ສຸດກໍ່ມາຮອດ ເມື່ອເຈົ້າໜ້າທີ່ຂອງກອງທັບເຮືອມາແຈ້ງຂ່າວການເສັຍຊີວິດຂອງ ຈອນ ດວງດາຣາ ໃນສະໝໍລະພູມອັບການິດສະຖານ ເຖີງບ້ານຂອງຄອບຄົວລາວດ້ວຍໂຕເອງເລີຍ.

ຄອບຄົວຂອງລາວຈຶ່ງໄດ້ສ້າງອະນຸສອນນ້ອຍໆໃນຫ້ອງນັ່ງຫຼີ້ນຂອງຄອບຄົວດວງດາຣາ ທີ່ຢູ່ໃນເມືອງ South Sioux ເພື່ອເປັນການລະລຶກເຖີງລູກຊາຍອັນເປັນທີ່ຮັກຂອງພວກເຂົາ.

"ນີ້ແມ່ນວຽກທີ່ລາວເລືອກ. ມັນແມ່ນວຽກທີ່ລາວມັກ. ພວກເຮົາພູມໃຈທີ່ລາວຕໍ່ສູ້ເພື່ອປະເທດທີ່ເປີດໂອກາດໃຫ້ຄອບຄົວພວກເຮົາມາເລີ່ມຕົ້ນຊີວິດໃໝ່ແຫ່ງນີ້" ແມ່ຂອງ ຈອນ ກ່າວ.

ຈອນ ດວງດາຣາ ໄດ້ຮັບຫຼຽນ Bronze Star ແລະ ເສັຍຊີວິດດ້ວຍໄວພຽງ 26 ປີພ້ອມກັບໜ້າຄູ່ໃຈຂອງລາວ ແລະ ອ້າຍນ້ອງຮ່ວມພາລະກິດໃນຄັ້ງນັ້ນ.

----------------------------------------

👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020