ວັນທີ 7 ກໍລະກົດ 2020, ທ່ານ ໄມ ປອມເປໂອ, ລັດຖະມົນຕີວ່າການກະຊວງການຕ່າງປະເທດຂອງສະຫະລັດ ໄດ້ອອກມາຖະແຫຼງການເລື່ອງທີ່ວ່າປະທານາທິບໍດີສະຫະລັດ, ທ່ານ ໂດນ ທຣໍາ ກຳລັງມີແຜນຈະສັ່ງແບນແອັບຍອດນິຍົມ Tik Tok ແລະ ແອັບສື່ສັງຄົມອ່ອນໄລນ໌ຂອງຈີນອີກຫຼານແອັບ ດ້ວຍເຫດຜົນທາງດ້ານຄວາມໜັ້ນຄົງ ແບະ ຄວາມບໍ່ປອດໄພຕໍ່ຂໍ້ມູນສ່ວນໂຕຂອງຜູ້ໃຊ້.
ທ່ານ ໄມ ບອມເປໂອ ຍອມຮັບກັບນັກຂ່າວແບບກົງໄປກົງມາວ່າຕອນນີ້ທາງລັດຖະບານສະຫະລັດກຳລັງພະຍາຍາມສຶກສາຫົນທາງ ແລະ ຄວາມເປັນໄປໄດ້ຢູ່ວ່າຈະແບນ Tik Tok ຫຼື ແອັບພີເຄຊັ້ນອື່ນໆແບບໃດດີ, ແຕ່ຮັບຮອງວ່າຈະມີການອອກມາດຕະການບາງຢ່າງມາຈັດການບັນຫານີ້ແນ່ນອນ. ນອກຈາກນີ້, ລາວຍັງໄດ້ກ່າວເຕືອນປະຊາຊົນອາເມລິກາອີກວ່າ "ເຖີງຄົນທີ່ກໍາລັງໃຊ້ແອັບ Tik Tok ຢູ່ວ່າ ຖ້າບໍ່ຢ້ານລັດຖະບານພັກຄອມມູນິດຂອງຈີນແອບເບິ່ງ ແລະ ລັກຂໍ້ມູນສ່ວນໂຕຂອງພວກທ່ານ ກໍ່ຈົ່ງໃຊ້ແອັບນີ້ຕໍ່ໄປ".
ອີກຢ່າງໜຶ່ງ, ໃນສາຍຕາຂອງສະຫະລັດ ແລະ ລັດຖະບານຂອງ ທ່ານ ໂດນໍ ທຣໍາ ນັ້ນ, ແອັບ Tik Tok ເຖິງແມ່ນວ່າຈະມີຄະນະຜູ້ບໍລິຫານ ແລະ CEO ເປັນຄົນອາເມລິກາກໍ່ຕາມ, ແຕ່ເຈົ້າຂອງແອັບກໍ່ຍັງແມ່ນບໍລິສັດສັນຊາດຈີນທີ່ຊື່ ByteDance ຢູ່ດີ ແລະ ການເປັນແອັບສັນຊາດຈີນຂອງ Tik Tok ນັ້ນ ກໍ່ຍ່ອມທີ່ຈະເປັນອັນຕະລາຍ ແລະ ເປັນໄພຄຸກຄາມຕໍ່ຄວາມໝັ້ນຄົງຂອງສະຫະລັດ ເພາະບໍ່ມີໃຜສາມາດຮູ້ໄດ້ເລີຍວ່າຫຼັງບ້ານຂອງ Tik Tok ນັ້ນມີສາຍສໍາພັນທີ່ດີກັບລັດຖະບານຈີນ ຫຼື ບໍ່. ເຜີໆໂຕແອັບ Tik Tok ແທ້ທີ່ຈິງແລ້ວອາດຈະເປັນເຄື່ອງມືຂອງອົງການດ້ານການຂ່າວ ຫຼື ເປັນເຄື່ອງມືຂອງໜ່ວຍສືບລັບຂອງຈີນທີ່ອາດມີເປົ້າໝາຍແອບແຝງໃນການລັກຂໍ້ມູນຄົນອາເມລິກາກໍ່ເປັນໄດ້.
ຕໍ່ປະເດັນດັ່ງກ່າວນີ້ທາງ Tik Tok ແລະ ທີມຜູ້ບໍລິຫານໄດ້ອອກມາໂຕຕອບວ່າແອັບ Tik Tok ນັ້ນສ້າງສູນເກັບຂໍ້ມູນໄວໃນສະຫະລັດອາເມລິກາ ແລະ ບໍ່ໄດ້ມີການສົ່ງຂໍ້ມູນກັບໄປໃຫ້ບັດຖະບານຈີນຢ່າງແນ່ນອນ. ສ່ວນສູນເກັບຂໍ້ມູນສໍາຮອງຂອງ Tik Tok ນັ້ນຢູ່ປະເທດສິງກະໂປ.
ຈາກຂໍ້ມູນຫຼ້າສຸດ, ຂະນະນີ້ປະເທດສະຫະລັດມີຜູ້ໃຊ້ແອັບ Tik Tok ຢູ່ປະມານເກືອບ 50 ລ້ານຄົນ. ຖ້າຫາກສະຫະລັດຕັດສີນໃຈແບນ Tik Tok ຂຶ້ນມາແທ້ໆກໍ່ຈະເທົ່າກັບວ່າ Tik Tok ຈະສູນເສຍຖານລູກຄ້າ ແລະ ຜູ້ໃຊ້ແອັບນີ້ໄປປະມານ 50 ລ້ານກວ່າຄົນ ເຊິ່ງເທົ່າກັບປະຊາກອນຂອງປະເທດໜຶ່ງເລີຍ.
----------------------------------------
👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇
👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020
Comments
Post a Comment