ຈີນຍິງຂິປະນາວຸດຕົງເຟີງ 2 ລູກລົງທະເລຈີນໃຕ້ ເນື່ອງຈາກບໍ່ພໍໃຈສະຫະລັດ

ຄວາມເຄັ່ງຕຶງຂອງສະຫະລັດ ກັບ ຈີນ ໃນເຂດພື້ນທີ່ທະເລຈີນໃຕ້ຍັງບໍ່ມີແວວທີ່ຈະຫາທາງອອກໄດ້ງ່າຍໆ ແລະ ນັບມື້ຍິ່ງເພີ່ມທະວີຄວາມຮຸນແຮງຂຶ້ນເລື່ອຍໆ.

ມື້ຄືນນີ້ສໍານັກຂ່າວ South China Morning Post ໄດ້ລາຍງານວ່າ: ກອງທັບປົດປ່ອນປະຊາຊົນຈີນໄດ້ຍິງຂິປະນາວຸດຈໍານວນ 2 ລູກລົງໃນທະເລຈີນໃຕ້ ເພື່ອເປັນການສົ່ງສັນຍານເຕືອນສະຫະລັດ ເນື່ອງຈາກບໍ່ພໍໃຈທີ່ສະຫະລັດໄດ້ສົ່ງເຄື່ອງບີນສອດແນມ U-2 Spy ເຂົ້າມາໃນເຂດຫວງຫ້າມຂອງຈີນ ເພື່ອສອດແນມການຊ້ອມຮົບທາງທະເລຂອງຈີນ.

ຕາມການລາຍງານ ຂີປະນາວຸດລູກທຳອິດຖືກຍິງຂຶ້ນຈາກແຂວງຊິງໄຫ່ (Qinghai) ທີ່ຕັ້ງຢູ່ພາກຕາເວັກຕົກສຽງເໜືອຂອງຈີນ, ເປັນຂິປະນາວຸດ ຕົງເຟີງ-ຊາວຫົກບີ (DF-26B) ແລະ ລູກທີສອງແມ່ນຂິປະນາວຸດ ຕົງເຟີງ-ຊາວເອັດດີ (DF-21D) ທີ່ຍິງຂຶ້ນຈາກຖານທັບເຮືອແຂວງເຈີ້ຈຽງທີ່ຕັ້ງຢູ່ທາງຕາເວັນອອກຂອງປະເທດ.

ຂິປະນາວຸດທັງສອງລູກໄດ້ຕົກລົງໃນເຂດໄຫໜານ ແລະ ໝູ່ເກາະພາລາເຊວໃນທະເລຈີນໃຕ້.

ຂິປະນາວຸດ DF-26B ມີລັດສະໝີໃນການຍິງ 4,000 ກິໂລແມັດ, ສາມດໃຊ້ໂຈມຕີໄດ້ທັງທາງບົກ ແລະ ທາງທະເລ.

ສ່ວນຂີປະນາວຸດ DF-21D ມີລັດສະໜີໃນການຍິງ 1,400 ກີໂລແມັດ ເຊິ່ງສື່ທາງການຈີນເຄີຍອະທິບາຍໄວ້ວ່າຂີປະນາວຸດ DF-21D ນີ້ເປັນຂີປະນາວຸດລຸ້ນທຳອິດຂອງໂລກທີ່ທັນສະໄໝທີ່ສຸດສຳລັບຍຸດທະສາດທາງທະເລ.

ສະຫະລັດໄດ້ປະກາດຢ່າງຈະແຈ້ງແລ້ວວ່າຈະທ້າທາຍອຳນາດຂອງຈີນໃນທະເລຈີນໃຕ້ ລວມເຖີງກໍລະນີຂອງໃຕ້ຫວັນນໍາ.

ໃນອາທິດນີ້ກອງທັບຈີນໄດ້ມີການຊ້ອມຮົບໃນ 4 ເຂດທາງທະເລຂອງຕົນເອງ ເຊິ່ງເປັນການຊ້ອມຮົບຕິດຕໍ່ກັນ ແລະ ມີບັນຍາກາດຟົດຟື້ນທີ່ສຸດເທົ່າທີ່ເຄີຍມີມາ.

ມາຕິດຕາມນໍາກັນຕໍ່ໄປວ່າການປະທະກັນຂອງສອງມະຫາອຳນາດຢ່າງ ພະຍາອີນຊີຜູ້ຊົງອຳນາດທີ່ສຸດຂອງໂລກ ກັບ ພະຍາມັງກອນຜູ້ຊົງອິດທິພົນທີ່ກຳລັງມາແຮງທີ່ສຸດໃນຕອນນີ້ ໃນຂອບເຂດຂອງທະເລຈີນໃຕ້ ແລະ ເສດຖະກິດການຄ້າວ່າຈະຈົບລົງແນວໃນ ຫຼື ຈະຫາທາງອອກດ້ວຍສັນຕິວິທີໄດ້ຫຼືບໍ່.

----------------------------------------

👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020