ສື່ຈີນເຢີ້ຍ ທ່ານ ທໍ້າ

ຈາກທີ່ ທ່ານ ໂດນໍ ທຣໍ້າ ອະນຸມັດໃຫ້ໃຊ້ "ພຼາດສະມາ" ຮັກສາຜູ້ປ່ວຍພະຍາດໂຄວິດ-19 ໂດຍ ທ່ານ ທຣໍ້າ ໄດ້ລະບຸວ່າ: ເປັນຄວາມກ້າວໜ້າຄັ້ງສຳຄັນຂອງປະຫວັດສາດໃນການຕໍ່ສູ້ກັບ "ໄວຣັດຈີນ" ເຊິ່ງມັນຈະຊ່ວຍຊີວິດຄົນໄດ້ຈໍານວນຫຼາຍ. ຈາກນັ້ນ Global Times ສື່ຂອງຈີນກໍ່ໄດ້ອອກມາສວນກັບ ທ່ານ ທຣໍ້າ ທັນທີ.

Global Times ໄດ້ສຳພາດນັກພູມຄຸ້ມກັນວິທະຍາຈາກປັກກິ່ງ ໂດຍໄດ້ຂໍ້ມູນມາວ່າ: ພຼາດສະມາ ຈາກຜູ້ທີ່ຟື້ນໂຕຈາກໂຄວິດ-19 ເປັນວິທີສຸກເສີນໃນການຮັກສາຜູ້ທີ່ກຳລັງອາການໜັກຈາກການຕິດເຊື້ອ ເຊິ່ງມັນບໍ່ແມ່ນວິທີການໃໝ່ອີ່ຫຍັງເລີຍ ແລະ ກໍ່ໄດ້ຮັບການພິສູດແລ້ວວ່າມັນມີປະສິດທິພາບໃນຊ້ວງທຳອິດຂອງການລະບາດທີ່ເມືອງອູຮັ້ນ, ແຂວງເຫີເປີຍ ກ່ອນທີ່ທາງຫ້ອງການຄະນະກຳມະການສາທາລະນະສຸກແຫ່ງຊາດຈີນ ຈະນໍາມາໝູນໃຊ້ເປັນວິທີການມາດຕະຖານໃນການຮັກສາພະຍາດໂຄວິດ-19 ນີ້.

ສາດສະດາຈານຄົນຈີນປະຈໍາສະຖາບັນຄວາມສຳພັນລະຫວ່າງປະເທດ ໄດ້ໃຫ້ຄວາມເຫັນກັບ Global Times ວ່າ: ການທີ່ ທ່ານ ທຣໍ້າ ອ້າງເລື່ອງ "ຄວາມກ້າວໜ້າ" ທີ່ຈະຮັກສາຊີວິດຂອງຄົນອາເມລິກາຈາກໂຄວິດ-19 ດ້ວຍພຼາດສະມານັ້ນ, ມັນເປັນພຽງການສະແຫວງຫາຜົນປະໂຫຍດທາງການເມືອງເທົ່ານັ້ນ.

"ການທີ່ເພີ່ນຂີ້ໂມ້ວ່າພຼາດສະມາເປັນຄວາມກ້າວໜ້າຄັ້ງສຳຄັນ ມັນກໍ່ເປັນພຽງແຕ່ການວາງອຳນາດເທົ່ານັ້ນ, ບໍ່ຕ່າງຫຍັງກັບສະໂລແກນເກົ່າໆຂອງ ທ່ານ ທຣໍ້າ ທີ່ເຮັດໃຫ້ເຫັນເຖີງຄວາມກະວົນກະວາຍໃຈຂອງລາວຈາກຄວາມນິຍົມທີ່ຫຼຸດລົງໃນການແຂ່ງຂັນກັບ ທ່ານ ໂຈ ໄບເດັນ" ສາດສະດາຈານກ່າວ.

ນອກຈາກນີ້, Global Times ຍັງໄດ້ນໍາສະເໜີບາງຄວາມຄິດບເຫັນຂອງຊາວເນັດຈີນຕໍ່ປະເດັນນີ້ວ່າ:

"ວີທີ່ການທີ່ ທ່ານ ທຣໍ້າ ອ້າງນັ້ນ ທີ່ຈິງແລ້ວຈີນໄດ້ເຄີຍທົດລອງດ້ວຍວິທີດຽວກັນນີ້ມາຕັ້ງແຕ່ເຄິ່ງປີກ່ອນແລ້ວ"

"ທຽບກັບແນວຄິດເລື່ອງການສິດຢາຂ້າເຊື້ອເຂົ້າຮ່າງກາຍທີ່ເພີ່ນສະເໜີໃນເມື່ອກ່ອນ, ໄອເດັຍຄັ້ງນີ້ກໍຖືວ່າເປັນຄວາມກ້າວໜ້າລະແຫຼະ.

ຫົວຂໍ້ທີ່ ທ່ານ ທຣໍ້າ ອະນຸມັດໃຊ້ "ພຼາດສະມາ" ໃນການຮັກສາຜູ້ປ່ວຍໂຄວິດ-19 ມີຄົນຈີນເຂົ້າໄປອ່ານສູງເຖີງ 220 ລ້ານຄັ້ງ ໃນໂຊຊ້ຽວມີເດັຍຈີນ "ເວີຍປ໋ໍອ".

----------------------------------------

👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020