ກະຊວງປ້ອງກັນປະເທດສະຫະລັດ ອອກຖະແຫຼງການຕໍ່ຕ້ານຈີນຢ່າງເປັນທາງການ

ຊ້ວງຕົ້ນຂອງຖະແຫຼັງການ, ທ່ານ ມາກ ເອັດສະເປີ, ລັດຖະມົນຕີວ່າການກະຊວງປ້ອງກັນປະເທດສະຫະລັດ ໄດ້ອະທິບາຍເຖີງຄວາມພະຍາຍາມຂອງຈີນໃນການປັບປຸງກອງທັບໃຫ້ມີຄວາມທັນສະໃໝລະດັບໂລກໃນທຸກໆດ້ານ ແລະ ການທີ່ພັກຄອມມູນິດຂອງຈີນໃຊ້ອຳນາດພະເດັດການໃນການປົກຄອງປະເທດ ແລະ ປະຊາຊົນຂອງຕົນເອງ ພ້ອມທັງຍັງໄດ້ດັດແປງກົດລະບຽບຕ່າງໆ ເຊິ່ງມັນໄດ້ເປັນໄພຕໍ່ຜົນປະໂຫຍດຂອງສະຫະລັດ ແລະ ປະເທດພັນທະມິດ.

ທ່ານ ເອັດສະເປີ ໄດ້ຍົກປະເດັນເລົ່ານີ້ຂຶ້ນມາອະທິບາຍກໍ່ເພື່ອຢາກໃຫ້ປະເທດອື່ນໆພິຈາລະນາ ຫຼື ທົບທວນຄືນໃນການເຂົ້າໄປມີສ່ວນກ່ຽວຂ້ອງກັບກອງທັບຈີນນັ້ນເອງ (ບໍ່ຢາກໃຫ້ຈີນມີພັນທະມິດ ຫຼື ຄິດໃຫ້ດີຖ້າຈະເລືອກຢູ່ຟັ່ງຈີນ ອີຫຍັງປະມານນີ້ລະ).

ຕໍ່ມາ ທ່ານ ເອັດສະເປີ ໄດ້ກ່າວຫາວ່າຈີນເປັນອັນຕະລາຍຕໍ່ລະບົບຂອງປະເທດໂລກເສລີທີ່ເປັນລະບົບຂອງຄົນທົ່ວໂລກຍອມຮັບ. ດັ່ງນັ້ນ, ດ້ວຍເຫດຜົນດັ່ງກ່າວຈຶ່ງຈໍາເປັນເຮັດໃຫ້ສະຫະລັດຕ້ອງໄດ້ມີການໂຕ້ຕອບຈີນ ໂດຍການປັບໂຕ ແລະ ພັດທະນາກອງທັບສະຫະລັດ ໃຫ້ມີຄວາມທັນສະໄໝ ເພື່ອການແຂ່ງຂັນທີ່ຍິ່ງໃຫຍ່ໂດຍທີຈີນເປັນເປົ້າໝາຍຫຼັກຂອງສະຫະລັດ (ເປີດໜ້າແລກແລ້ວວ່າຈີນຄືຄູ່ແຂ່ງ).

ຈາກນັ້ນ ໃນຖະແຫຼງການ, ທ່ານ ເອັດສະເປີ ກໍ່ໄດ້ຍົກ 3 ປະເດັນຫຼັກໃນການຂັດຂວງຈີນ ເຊິ່ງແຕ່ລະປະເດັນປະກອບມີດັ່ງນີ້:

1. ການແຂ່ງຂັນໄລຍະຍາວກັບຈີນໂດຍກົງເລີຍ:

"ມັນໄດ້ກະຕຸ້ນໃຫ້ພວກເຮົາມີກອງກຳລັງທີ່ສາມາດຢຸດຢັ້ງ ແລະ ເອົາຊະນະໃນທຸກສະໜານຮົບຂອງສົງຄາມ ບໍ່ວ່າຈະເປັນທາງອາກາດ, ທາງບົກ, ທາງທະເລ ລວມໄປເຖີງທາງອາວະກາດ ແລະ ໂລກໄຊເບີຣ໌". (ວັດກັນໂຕຕໍ່ໂຕໄປເລີຍວ່າໃຜແນ້ກວ່າກັນ).

2. ການຂະຫຍາຍ ແລະ ເສີມສ້າງເຄືອຂ່າຍພັນທະມິດ:

"ມັນມີຄວາມສຳຄັນເຊັ່ນກັນ ເນື່ອງຈາກວ່າສິ່ງນີ້ຈະເຮັດໃຫ້ພວກເຮົາມີຂໍ້ໄດ້ປຽບຫຼາຍກວ່າຄູ່ແຂ່ງ (ຈີນ) ຂອງພວກເຮົາ. ໃນຂະນະທີ່ກອງທັບຈີນຍັງຄົງມີພຶດຕິກຳທີ່ຮຸກຮານຕໍ່ປະເທດເພື່ອບ້ານໃນເຂດພາກພື້ນ ເຊັ່ນ: ການຈົມເຮືອປະມົງຂອງຫວຽດນາມ, ການຂົ່ມຂູ່, ການຂັດຂວງການພັດທະນານໍ້າມັນ ແລະ ກາດທຳມະຊາດຂອງມາເລເຊຍ ແລະ ການອ້າງອິດທິພົນໃນທະເລຈີນໃຕ້ທີ່ບໍ່ຖືກຕ້ອງຕາມກົດໝາຍສາກົນ. ດັ່ງນັ້ນ, ກອງທັບສະຫະລັດຈະຍັງສືບຕໍ່ເສີມສ້າງການຮ່ວມມືກັນໄລຍະຍາວກັບພັນທະມິດ ແລະ ປົກປ້ອງສິດຂອງທຸກປະເທດ". (ຊອກໝູ່ມາລຸມ).

3. ສ້າງຄວາມສາດມາໃຫ້ພັນທະມິດ:

"ການເພີ່ມຂິດຄວາມສາມາດທາງທະຫານໃຫ້ພັນທະມິດ ແລະ ຊາດທີ່ມີຫຼັກການດຽວກັນ ເຊິ່ງເປັນຫົວໃຈສໍາຄັນຂອງຍຸດທະສາດຂອງພວກເຮົາໃນການຂັດຂວງອິດທິພົນທີ່ບໍ່ປາດຖະໜາດີຂອງຈີນ". (ຍຶ່ນອາວຸດໃຫ້ຊາດພັນທະມິດໄວ້ຕີຊ່ວຍ).

"ການລິເລີ່ມເລົ່ານີ້ ສະທ້ອນໃຫ້ເຫັນເຖີງຄວາມເອົາຈິງເອົາຈັງຂອງສະຫະລັດທີ່ຈະຢືນຄຽງຄູ່ກັບພັນຊາດທະມິດຂອງພວກເຮົາ ໃນການຕໍ່ຕ້ານການຂົມເຫງຂອງປັກກິ່ງ ແລະ ພວກເຮົາຈະສະໜັບສະໜູນອະທິປະໄຕຂອງທຸກຊາດ ລວມເຖີງການປ້ອງກັນລະບົບການປົກຄອງຂອງໂລກເສລີ ເຊິ່ງໄດ້ສ້າງສະຖຽນລະພາບ ແລະ ຄວາມໝັ້ນຄົງໃຫ້ແກ່ໂລກມາເປັນເວລາຫຼາຍທົດສະວັດ".

"ແຕ່ເຖີງຢ່າງໃດກໍ່ຕາມ, ສະຫະລັດບໍ່ສາມາດແບກຮັບພາລະນີ້ໄດ້ພຽງຄົນດຽວ ແລະ ພວກເຮົາຮຽກຮ້ອງໃຫ້ພັນທະມິດຂອງພວກເຮົາແບ່ງປັນສິ່ງຕ່າງໆກັບພວກເຮົາຢ່າງເປັນທຳ ແລະ ເທົ່າທຽບກັນໃນຖານະພັນທະມິດທີ່ແທ້ຈິງ ແລະ ພວກເຮົາຈະສືບຕໍ່ເປັນກຳລັງໃຈໃຫ້ພວກເຂົາ".

*ສໍາລັບລາຍລະອຽດເພີ່ມເຕີມຂອງຖະແຫຼງການທ່ານສາມາດເຂົ້າໄປອ່ານໄດ້ທີ່ລິ້ງອ້າງອີງດ້ານລຸ່ມເດີເຈົ້າ 👇 (ເປັນພາສາອັງກິດ).

----------------------------------------

👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020