ອີຣ່ານໃຊ້ເລດ້າຂອງຣັດເຊຍ ເພື່ອຮັບມືກັບເຄື່ອງບິນຮົບລອງຫົນ F-35 ຂອງສະຫະລັດ

ຜູ້ຊ່ຽວຊານດ້ານການທະຫານຂອງອີຣ່ານໄດ້ອ້າງວ່າ, ອີຣ່ານໄດ້ຄົ້ນພົບວິທີຕິດຕາມເຄື່ອງບີນຮົບລອງຫົນ F-35 ຂອງສະຫະລັດ ທີ່ບີນຢູ່ເທີງຟ້າໃກ້ກັບຊາຍແດນຂອງພວກເຂົາ ໂດຍການຊ່ວຍເຫຼືອຂອງເລດ້າ Rezonans-NE ຈາກຣັດເຊຍ ເຊິ່ງພວກເຂົາໄດ້ຮັບມາຈາກມົດສະກູ ເພື່ອເພີ່ມຂິດຄວາມສາມາດໃນການປ້ອງກັນທ້ອງຟ້າຂອງພວກເຂົາ.

ທ່ານ ອາເລັກຊານເດີ ສະຕູຊີລີນ, ຮອງຫົວໜ້າສູນວິໄຈເລດ້າ Rezonans ໄດ້ເວົ້າໃນກອງປະຊຸມວິຊາການດ້ານການທະຫານນາໆຊາດປະຈໍາປີ 2020 ທີ່ນະຄອນຫຼວງມົດສະກູວ່າ: "ລາເດ້ປະສົບຜົນສຳເລັດເປັນຢ່າງດີໃນການຕິດຕາມສຸດຍອດເຄື່ອງບີນຮົບຂອງສະຫະລັດ. ໃນຕົນປີ 2020 ນີ້, ລາດ້າຂອງພວກເຮົາໄດ້ຄົ້ນພົບເຄື່ອງບີນຮົບ F-35 ແລະ ສາມາເຕິດຕາມພວກມັນໄດ້".

"ເຈົ້າໜ້າທີ່ປະຈໍາເລດ້າໄດ້ສົ່ງຂໍ້ມູນ ແລະ ເສັ້ນທາງການບີນ F-35 ໄດ້ຢ່າງຊັດເຈນ. ດັ່ງນັ້ນ, ຈຶ່ງຢັ້ງຢືນໄດ້ວ່າມັນສາມາດຕິດຕາເຄື່ອງບີນໄດ້ຢ່າງໜ້າເຊື່ອຖື". ທ່ານ ອາເລັກຊານເດີ ກ່າວ.

ໃນຊ້ວງຫຼາຍປີທີ່ຜ່ານມາ, ຣັດເຊຍໄດ້ວາງແຜນຍຸດທະສາດໃນການສົ່ງເຕັກໂນໂລຊີຂັ້ນສູງໃນການປ້ອງກັນໄພທາງອາກາດໄປຍັງລູກຄ້າຂອງຕົນ ເຊັ່ນ: ອີຣ່ານ ແລະ ຈີນ. ຣັດເຊຍໄດ້ຕິດຕັ້ງລະບົບປ້ອງກັນໄພໃຫ້ເຕຫາລານ ເພື່ອຢຸດເຄື່ອງບີນຮົບຂອງສະຫະລັດ ແລະ ອິດສະລາເອວ.

F-35 ຂອງສະຫະລັດໄດ້ຮັບການອອກແບບມາເປັນຢ່າງດີ ເພື່ອໃຊ້ເຕັກໂນໂລຊີລອງຫົນ ເຊັ່ນ: ສີ ແລະ ວັດສະດຸທີ່ໃຊ້ສາມາດດູດຊັບເລດ້າ ລວມທັງມຸມອົງສາຕ່າງໆຂອງລໍາໂຕເຮືອບີນ ເຊິ່ງຊ່ວຍໃຫ້ສາມາດຫຼຸດການຄາຍຄວາມຮ້ອນ ແລະ ການປ່ອຍແມ່ເຫຼັກໄຟຟ້າ ເພື່ອຫຼີກລ້ຽງເລດ້າ. ແຕ່ຢ່າງໃດກໍ່ຕາມເລດ້າ Rezonans-NE ກໍ່ມີຄວາມສາມາດໃນການກວດຈັບມັນໄດ້.

ລະບົປປ້ອງກັນໄພທາງອາກາດທີ່ອັນຕະລາຍອີກລະບົບໜຶ່ງທີ່ອີຣ່ານມີຢູ່ນັ້ນກໍ່ຄື: Khordad 15 ເຊິ່ງມີລາຍງານວ່າສາມາດກວດຈັບເຄື່ອວບີນຮົບ ແລະ ໂດຣນຕໍ່ສູ້ໃນໄລຍະ 150 ກີໂລແມັດ.

ຕາມທີ່ລັດຖະມົນຕີວ່າການກະຊວງປ້ອງກັນປະເທດອີຣ່ານໄດ້ບອກວ່າ: ຈະຫຼວດ Sayyad 3 ຂອງລະບົບປ້ອງກັນໄພ Khordad 15 ນັ້ນສາມາດຍິງສະກັດ ແລະ ທຳລາຍເປົ້າໝາຍໄດ້ຫົກເປົ້າໜາຍພ້ອມກັນ ແລະ ຈະເຂົ້າໂຈມຕີເປົ້າໝາຍເຫຼົ່ານັ້ນພາຍໃນ 5 ນາທີ່.

----------------------------------------
👉 ທ່ານສາມາດອ່ານຫົວຂໍ້ຂ່າວອື່ນໆໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020