ລັດຖະບານຂອງ 3 ປະເທດໄດ້ແກ່: ອົດສະຕາລີ, ຍີ່ປຸ່ນ ແລະ ອີນເດຍ ຈັບມືກັນດ້ານຕ່ອງໂສອຸປະທານ (Supply Chain) ເພື່ອຫຼຸດຜ່ອນການເພີ່ງພາຈີນ ແລະ ຜົນກະທົບອື່ນໆທີ່ອາດເກີດຂຶ້ນໃນອານາຄົດ.
*ຕ່ອງໂສ້ອຸປະທານ ຫຼື Suppy Chain: ແມ່ນການໃຊ້ລະບົບຂອງຄົນ, ເຕັກໂນໂລຊີ, ຂໍ້ມູນຂ່າວສານ ແລະ ຊັບພະຍາກອນ ມາປະຍຸກໃຊ້ເຂົ້າກັນ ເພື່ອເຄື່ອນຍ້າຍສີນຄ້າ ຫຼື ບໍລິການຈາກຜູ້ຈັດຫາໄປຫາລູກຄ້າ.
ການຮ່ວມມືດັ່ງກ່າວນີ້ມາຈາກລັດຖະມົນຕີການຄ້າຂອງຍີ່ປຸ່ນທີ່ໄດ້ຊັກຊວນອີນເດຍ ແລະ ອົດສະຕາລີເຂົ້າຮ່ວມ ເຊິ່ງທາງອີນເດຍກໍ່ເຫັນດີເຂົ້າຮ່ວມນໍາ ເພື່ອຫຼຸດອຳນາດຂອງຈີນໃນດ້ານການຜະລິດລົງ ພາຍຫຼັງທີ່ເກີດຄວາມຂັດແຍ່ງກ່ຽວກັບຊາຍແດນຂອງສອງຊາຍຈີນ-ອີນເດຍຂຶ້ນ.
ສ່ວນອົດສະຕາລີເອງກໍ່ຕ້ອງການທີ່ຈະຫຼຸດອັດຕາສ່ວນລາຍໄດ້ຂອງປະເທດທີ່ມາຈາກຈີນລົງ ເພື່ອບໍ່ໃຫ້ຈີນໃຊ້ເປັນເຄື່ອງມືທາງດ້ານເສດຖະກິດໃນການກົດດັນອົດສະຕາລີ.
ຫຼັງຈາກນີ້, ລັດຖະມົນຕີດ້ານການຄ້າຂອງ 3 ປະເທດຈະໄດ້ມີການປະຊຸມຮ່ວມກັນໃນອີກ 2-3 ອາທີດທີ່ຈະມາເຖີງນີ້ ແລະ ຈະມີການຈັດຕັ້ງກຸ່ມຄວາມຮ່ວມມືດັ່ງກ່າວຂຶ້ນຢ່າງເປັນທາງການໃນຊ້ວງເດືອນພະຈີກ. ນອກຈາກນີ້, ມີການຄາດຄະເນວ່າກຸ່ມດັ່ງກ່າວຈະມີການຊັກຊວນບັນດາປະເທດອາຊ້ຽນເຂົ້າຮ່ວມນໍາອີກດ້ວຍ.
ບັນຫາຄວາມຂັດແຍ່ງລະຫວ່າງສະຫະລັດ ກັບ ຈີນ ໂດຍສະເພາະທາງດ້ານການຄ້າເຮັດໃຫ້ບໍລິສັດຕ່າງຊາດທີ່ມີຖານການຜະລິດໃນປະເທດຈີນເລີ່ມທີ່ຈະມີຄວາມເປັນຫ່ວງເຖີງຄວາມຄຸ້ມຄ່າໃນການຕັ້ງຖານການຜະລິດໃນຈີນ ເນື່ອງຈາກຫຼາຍປັດໃຈເຊັ່ນ: ພາສີທີ່ອາດຖືກສະຫະລັດເກັບເພີ່ມອີກ ແລະ ຄ່າແຮງງານທີ່ເພີ່ມສູງຂຶ້ນຫຼາຍຂອງຈີນ. ນອກຈາກນີ້, ການແຜ່ລະບາດຂອງພະຍາດໂຄວິດ-19 ທີ່ສົ່ງຜົນກະທົບທາງດ້ານຕ່ອງໂສອຸປະທານແກ່ປະເທດອື່ນໆ ຍິ່ງເຮັດໃຫ້ເກີດການຍ້າຍຖານຜະລິດ ແລະ ການຫຼຸດການເພີ່ງພາຈີນໃນຖານະໂຮງງານຂອງໂລກໃຫ້ໄວຂຶ້ນ.
----------------------------------------
👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇
👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020
Comments
Post a Comment