ກອງທັບຈີນປະນາມ "ສະຫະລັດ" ເປັນໄພຂຸກຄາມໃຫຍ່ຕໍ່ສັນຕິພາບໂລກ

ກະຊວງປ້ອງກັນປະເທດຈີນ ອອກໄດ້ອອກຖະແຫຼງການ ເພື່ອໂຕ້ຕອບບົດລາຍງານສະຫະລັດທີ່ບອກວ່າຈີນຕ້ອງການເພີ່ມອຳນາດທາງການທະຫານ ແລະ ອາວຸດນິວເຄຍ ໂດຍບອກວ່າສະຫະລັດເປັນໄພຂຸກຄາມຕໍ່ເສລີພາບໂລກ ແລະ ການຮ່ວມມືລະຫວ່າງປະເທດ.

ກ່ອນໜ້ານີ້ບໍ່ດົນ, ກະຊວງປ້ອງກັນປະເທດສະຫະລັດໄດ້ເຜີຍແຜ່ບົດລາຍງານປະຈໍາປີທີ່ມີຊື່ວ່າ "ການພັດທະນາດ້ານການທະຫານ ແລະ ຄວາມໜັ້ນຄົງ ກ່ຽວກັບ ສປ. ຈີນ ຫຼື Military And Security Developments Involving The People's Republic of China 2020" ເຊິ່ງເປັນບົດລາຍງານທີ່ຈະຂຽນຂຶ້ນມາທຸກປີ ເພື່ອວິເຄາະພັດທະນາການທາງດ້ານການທະຫານ ແລະ ຄວາມໝັ້ນຄົງຂອງຈີນ ໃນຕະຫຼອດໄລຍະທີ່ຜ່ານມາ ແລະ ແນວໂນ້ມທີ່ເປັນໄປໄດ້ໃນອານາຄົດ ໂດຍເນື້ອໃນຫຼັກໆຂອງບົດລາຍງານສະບັບນີ້ໄດ້ລະບຸວ່າ "ຈີນຈະເພີ່ມຫົວຣົບນິວເຄຍເປັນ 2 ເທົ່າໃນອີກ 10 ຂ້າງໜ້າ" ແລະ "ຈີນກຳລັງສ້າງເຄືອຂ່າຍທາງການທະຫານ (ຖານທັບ) ໃນພາກພື້ນປະເທດອາຊີ" ແລະ ອື່ນໆ.

ດັ່ງນັ້ນ, ວັນອາທິດ, ວັນທີ 13 ກັນຍາ 2020, ກະຊວງປ້ອງກັນປະເທດຈີນຈຶ່ງໄດ້ອອກມາຖະແຫຼງໂຕ້ຕອບສະຫະລັດຄືນ ໂດຍໂຄສົກກະຊວງປ້ອງກັນປະເທດຈີນ ພັນເອກ ວູ ສຽນ (Wu Qian) ໄດ້ເອີ້ນບົດລາຍງານຂອງສະຫະລັດວ່າເປັນ "ການໃສ່ຮ້າຍປ້າສີແບບຜູ້ຍິງໂລເລສະຫະລັດ" ທີ່ມີຕໍ່ເປົ້າໝາຍຂອງຈີນ ແລະ ຄວາມສຳພັນລະຫວ່າງກອງທັບຈີນ ແລະ ປະຊາຊົນຈີນ.

"ຫລັກການຫຼາຍຢ່າງໃນຊ້ວງຫຼາຍປີທີ່ຜ່ານມາມັນໄດ້ສະແດງໃຫ້ເຫັນແລ້ວວ່າເປັນຍ້ອນສະຫະລັດທີ່ເປັນໂຕການເຮັດໃຫ້ເກີດຄວາມບໍ່ສະງົບຢູ່ທຸກຂົງເຂດພາກພື້ນ, ເປັນຜູ້ລະເມີດຫຼັກການລະຫວ່າງປະເທດ ແລະ ເປັນຜູ້ທຳລາຍສັນຕິພາບໂລກ".

"ການປະຕິບັດຂອງສະຫະລັດໃນອີຣັກ, ຊີເລຍ, ລີເບຍ ແລະ ປະເທດອື່ນໆອີກຫຼາຍປະເທດໃນຊ້ວງ 20 ປີຜ່ານມາສົ່ງຜົນໃຫ້ມີການເສັຍຊີວິດບໍ່ຕໍ່າກ່າວ 800,000 ຄົນ ແລະ ເກີດຄົນອົບພະຍົກອີກຫຼາຍລ້ານຄົນ".

"ແຕ່ແທນທີ່ຈະພິຈາລະນາໂຕເອງ, ສະຫະລັດກັບອອກບົດລາຍງານທີ່ທີ່ຂີ້ຕົວະ ເຊິ່ງເຕັມໄປດ້ວຍຄວາມເຫັນທີ່ຂີ້ຕົວະກ່ຽວກັບການປ້ອງກັນປະເທດແບບປົກກະຕິ, ການສ້າງ, ແລະ ພັດທະນາກອງທັບຂອງປັກກິ່ງ".

"ທາງພວກເຮົາຂໍຮຽກຮ້ອງໃຫ້ສະຫະລັດເບິ່ງການປ້ອງກັນປະເທດ ແລະ ການກໍ່ສ້າງທາງການທະຫານຂອງຈີນຢ່າງເປັນທຳ ແລະ ມີເຫດຜົນ, ຢຸດສ້າງຂໍ້ມູນທີ່ບໍ່ເປັນຈິງ ລວມໄປເຖີງລາຍງານເລົ່ານີ້ ແລະ ມີການກະທຳຢ່າງເປັນຮູບປະທຳ ເພື່ອເປັນເຄື່ອງປ້ອງກັນຕໍ່ຄວາມສຳພັນຂອງສອງຝ່າຍໃຫ້ມີການພັດທະນາໄປຢ່າງຂັ້ມແຂງ" ທ່ານໂຄສົກກ່າວ.

_______________

👉 ອ່ານຫົວຂໍ້ຂ່າວອື່ນໄດ້ຢູ່ດ້ານລຸ່ມ 👇