ລັດຖະບານປະເທດຄູເວດໃກ້ເຈ້ງ, ບໍ່ມີເງິນທີ່ຈະຈ່າຍໃຫ້ພະນັກງານ

ຫາກລາຄານໍ້າມັນຍັງບໍ່ສູງຂຶ້ນ ເງິນທີ່ໃຊ້ສອຍໃນຕອນນີ້ຄືການຖອນອອກຈາກກອງທຶນສຳຮອງຂອງປະເທດ ແລະ ກໍ່ຈະໝົດທັນທີ ເນື່ອງຈາກການຂາດດຸນຂອງຄູເວດສູງເຖີງ 18.44 ພັນລ້ານໂດລາ ສໍາລັບປີງົບປະມານ 2019-2020 ແລະ ມາຮອດເດືອນມີນາ 2020 ທີ່ຜ່ານມາ, ການຂາດດຸນຍັງສືບຕໍ່ຂະຫຍາຍວົງກວ້າງອອກໄປອີກເປັນ 45.78 ພັນລ້ານໂດລາ ເຊິ່ງເພີ່ມຂຶ້ນຈາກການຂາດດຸດກ່ອນໜ້ານີ້ຢູ່ທີ່ 25.18 ພັນລ້ານໂດລາ ເນື່ອງຈາກລາຄານໍ້າມັນຕົກຕໍ່າ ແລະ ການລະບາດຂອງພະຍາດໂຄວິດ-19.

ຝ່າຍບໍລິຫານຂອງສະພາຄູເວດກຳລັງປຶກສາຫາລືກັນເລື່ອງກົດໝາຍໜີ້ສະບັບໃຫມ່ ເພື່ອທີ່ຈະປົດໜີ້ຂອງລັດຖະບານໂດຍການກູ້ຢືມເງິນສູງເຖີງ 65.4 ພັນລ້າໂດລາ ໃນຊ້ວງ 30 ປີຂ້າງໜ້າ. ຄູເວດເປັນໜຶ່ງໃນຫົກປະເທດເສດຖະກິດຂອງອ່າວອາລັບທີ່ເພີ່ງພາລາຍໄດ້ຈາກນໍ້າມັນຫຼາຍເກີນໄປ ເພື່ອຄວາມສະດວກສະບາຍຂອວຕົນເອງ.

ຈາກການຄາດການລ້າສຸດຂອງນັກວິເຄາະທີ່ສຳຫຼວດໂດຍຣອຍເຕີ້ ຄາດວ່າລາຄານໍ້າມັນຈະລຸດລົງໃນປີນີ້ກ່ອນທີ່ຈະດິດໂຕຂຶ້ນໃນປີ 2021, ແຕ່ກໍ່ບໍ່ແມ່ນວ່າທຸກປະເທດຈະຟື້ນໂຕໄດ້ຢ່າງໄວວາ. ດັ່ງນັ້ນ, ຄູເວດວາງແຜນທີ່ຈະລຸດສ່ວນແບ່ງລາຍໄດ້ໃຫ້ຜູ້ອົບພະຍົກຕ່າງຊາດລົງຈາກ 70% ໃຫ້ເຫຼືອພຽງ 30% ເພື່ອແກ້ໄຂບັນຫາຄວາມບໍ່ສົມດຸນທາງປະຊາກອນເຊັ່ນດຽວກັນກັບເພື່ອນບ້ານໃນອ່າວອາລັບ.

ເນື່ອງຈາກບັນດາປະເທດເລົ່ານີ້ອຸດົມສົມບູນໄປດ້ວຍນໍ້າມັນຈຶ່ງມີປະຊາກອນຕ່າງຊາດຈໍານວນຫຼາຍອົບພະຍົກເຂົ້າມາເຊິ່ງສ່ວນໃຫຍ່ແລ້ວປະກອບໄປດ້ວຍແຮງງານຈາກຕາເວັນອອກກາງ ແລະ ອາຊີທີ່ມີສູງເຖີງ 3.3 ລ້ານຄົນ.

-------------------------

👉 ອ່ານຫົວຂໍ້ຂ່າວອື່ນໄດ້ຢູ່ດ້ານລຸ່ມ 👇

👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020