ສື່ຈີນ Global Time ທີ່ເປັນກະບອກສຽງຂອງພັກຄອມມູນິດຈີນ ໄດ້ເຜີຍແຜ່ບົດຄວາມເຕືອນອິນເດຍ. ໂດຍມີເນື້ອໃນດັ່ງນີ້:
"ອິນເດຍປະເມີນຄວາມທະເຍີທະຍານໃນການປ້ອງກັນທຸກສ່ວນຂອງເຂດແດນຈີນຕໍ່າເກີນໄປ".
"ອິນເດຍອາດຈະຄິດວ່າຈີນກຳລັງພະເຊີນກັບແຮງກົດດັນຢ່າງໜັກຈາກສະຫະລັດ ທັງໃນເລື່ອງຊ່ອງແຄບໄຕ້ຫວັນ ແລະ ທະເລຈີນໃຕ້ ຈົນຄິດໄປເອງວ່ານີ້ຈະເປັນໂອກາດດີທີ່ຈະບີບໃຫ້ຈີນຍອມອ່ອນຂໍ້ໃຫ້ອິນເດຍ".
"ເຊິ່ງຖ້າຫາກອິນເດຍເຮັດສຳເລັດກໍ່ຈະກາຍເປັນຄວາມສຳເລັດຄັ້ງສຳຄັນທີ່ຈະໃຊ້ໃນການອອດອ້າງຕໍ່ຊະຊາຊົນຂອງຕົນເອງ ແລະ ບ່ຽງເບນຄວາມສົນໃຈຈາກການລະບາດຢ່າງຮ່າຍແຮງຂອງພະຍາດໂຄວິດ-19 ໃນອິນເດຍ ລວມເຖີງສະພາບເສດຖະກິດທີ່ກຳລັງຕົກຕໍ່າໃນຂະນະນີ້".
"ແຕ່ຖ້າຫາກກອງທັບອິນເດຍຮຸກຮານເຂດແດນຈີນ ຫຼື ໂຈມຕີກອງທັບຈີນ, ອິນເດຍຈະຕ້ອງຈ່າຍຄືນໃນລາຄາແພງ".
"ການຍົ້ວຍຸທີ່ຫາເກີດຂຶ້ນວັງກີ້ນີ້ ໄດ້ພິສູດໃຫ້ເຫັນວ່າ ອິນເດຍຕ້ອງການໃຫ້ຈີນຍອມອ່ອນຂໍ້ໃຫ້ຫຼາຍກວ່າເກົ່າ".
"ຫຼັງຈາກການເຈລະຈາຮ່ວມກັນຫຼາຍຄັ້ງນັບຕັ້ງແຕ່ເກີດການປະທະກັນໃນວັນທີ 15 ມິຖຸນາ ອັນສົ່ງຜົນໃຫ້ມີຜູ້ບາດເຈັບລົ້ມຕາຍຈາກທັງສອງຝ່າຍ. ທະຫານຈີນ ແລະ ອິນເດຍຕ່າງກໍ່ຍອມຖອຍຈາກບາງເຂດ ເຊັ່ນ: ພຸເຂົາແມ່ນໍ້າກົວວານ.
"ແຕ່ອິນເດຍກັບຍັງຕ້ອງການໃຫ້ກອງທັບຈີນຖອນກຳລັງອອກຈາກທະເລສາບປາງກົງຊົ່ວ ແລະ ຍອມຮັບເສັ້ນຄວບຄຸມທີ່ແທ້ຈິງເຊິ່ງຂິດຂຶ່ນໂດຍຝ່າຍອິນເດຍເອງ".
"ນີ້ເປັນເລື່ອງທີ່ບໍ່ຍຸດຕິທຳ ແລະ ຫຼາຍເກີນໄປຖ້າຫາກຈີນຍອມຮັບການກ່າວອ້າງນີ້ ແລະ ຍອມຖອຍທັບອອກຈາກເຂດແດນຂອງຕົນເອງພຽງເພື່ອໄດ້ຮັບແຮງກົດດັນຈາກອິນເດຍ. ສຸດທ້າຍກອງທັບອິນເດຍກໍ່ຈະຍິ່ງເດີນໜ້າຍົ້ວຍຸ ແລະ ເບ່ງກ້າມໃສ່ຈີນຢ່າງບໍ່ຢຸດຢັ້ງ".
"ນີ້ຄືເຫດຜົນວ່າເປັນຫຍັງຈີນເຖີງໄດ້ໃຈຮ້າຍ ແລະ ປະຕິເສດທີ່ຈະປະນິປະນອມ".
----------------------------------------
👉 ທ່ານສາມາດອ່ານຂໍ້ຂ່າວອື່ນໆໄດ້ຢູ່ດ້ານລຸ່ມ 👇
👉 ຢ່າລືມ ກົດໄລຄ໌ Like 👍, ກົດຕິດຕາມ See first 🌟 ເພື່ອບໍ່ພາດໃນການຕິດຕາມຂ່າວສານດີໆ, ໜ້າສົນໃຈ ແລະ ເປັນກຳລັງໃຈໃຫ້ພວກເຮົາດ້ວຍ. 🇫 Nep2020
Comments
Post a Comment