ໃນວັນທີ 31 ທັນວານີ້, ກອງທັບເຮືອສະຫະລັດໄດ້ລະບຸວ່າ ເຮືອພິຄາດ ຢູເອັສເອັສ ຈອນເອັສ. ແມັກເຄນ ແລະ ຢູເອັສເອັສ ເຄຕິສ ວິລເບີ ໄດ້ລ່ອງເຮືອຕາມປົກກະຕິຜ່ານຊ່ອງແຄບໄຕ້ຫວັນ ເຊິ່ງສອດຄ່ອງກັບກົດໝາຍລະຫວ່າງປະເທດ.
"ເຮືອຮົບລ່ອງຜ່ານຊ່ອງແຄບໄຕ້ຫວັນ ເພື່ອສະແດວເຖີງພັນທະສັນຍາຂອງສະຫະລັດຕໍ່ ອິນໂດ-ປາຊີຟິກ ທີ່ເສລີ ແລະ ເປີດກວ້າງ. ສະຫະລັດຍັງຄົງເດີນໜ້າບິນ, ລ່ອງເຮືອ ແລະ ປະຕິບັດການໃດໆກໍ່ຕາມ ຕາມກົດໝາຍລະຫວ່າງປະເທດອຸນຸຍາດ". ໂຄສົກກອງທັບເຮືອສະຫະລັດກ່າວ.
ລວມແລ້ວໃນປີ 2020 ນີ້ ກອງທັບເຮືອສະຫະລັດປະຕິບັດການລ່ອງເຮືອຮົບຜ່ານຊ່ອງແຄບໄຕ້ຫວັນທັງໝົດ 13 ຄັ່ງ. ສ່ວນກະຊວງປ້ອງກັນປະເທດຂອງຈີນຍັງບໍ່ໄດ້ອອກມາໂຕ້ຕອບໃດໆຕໍ່ພາລະກິດລ່ອງເຮືອຮົບລ່າສຸດຂອງສະຫະລັດ.
ຄັ້ງລ້າສຸດກ່ອນໜ້ານີ້, ກອງທັບຈີນສະແດງຄວາມບໍ່ພໍໃຈຢ່າງແຮງຕໍ່ກໍລະນີທີ່ເຮືອຮົບສະຫະລັດແລ່ນຜ່ານຊ່ອງແຄບໄຕ້ຫວັນໃນວັນທີ 19 ທັນວາ ທີ່ຜ່ານມາ ແລະ ປະມານພາລະກິດດັ່ງກ່າວ. ໜຶ່ງມື້ຫຼັງຈາດນັ້ນ, ກອງເຮືອບັນທຸກເຄື່ອງບິນ ຊານຕົງ ກໍ່ໄດ້ເຄື່ອນຜ່ານຊ່ອງແຄບໄຕ້ຫວັນເຊັ່ນກັນ ເຊິ່ງໄດ້ກະຕຸ້ມໃຫ້ກອງທັບເຮືອ ແລະ ກອງທັບອາກາດໄຕ້ຫວັນຕ້ອງສົ່ງເຮືອຮົບ ແລະ ເຄື່ອງບິນຫຼາຍລໍາອອກໄປຄຸມເຊິງ. ຢ່າງໃດກໍ່ຕາມ, ຈີນບອກວ່າກອງເຮືອບັນທຸກເຄື່ອງບິນດັ່ງກ່າວໄດ້ເຄື່ອນທີ່ໂດຍມີຈຸດໝາຍໄປທີ່ເຂດພຶ້ນທີ່ການຊ້ອມຮົບຕາມປົກກະຕິໃນທະເລຈີນໃຕ້.
_______________
👉 ອ່ານຫົວຂໍ້ຂ່າວອື່ນໄດ້ຢູ່ດ້ານລຸ່ມ 👇
Comments
Post a Comment