Nep2020

ຈີນມີທ່າທີບໍ່ພໍໃຈທຸກຄັ້ງຕໍ່ມາດຕະການຕ່າງໆທີ່ສະຫະລັດສະໜັບສະໜູນເກາະແຫ່ງນີ້. ໃນນັ້ນລວມເຖີງການຂາຍອາວຸດ ແລະ ສົ່ງເຮືອຮົບຜ່ານຊ່ອງແຄບໄຕ້ຫວັນ ເຮັດໃຫ້ຄວາມສຳພັນຂອງສອງຊາດເຄັງຕຶງຫຼາຍຍິ່ງຂຶ້ນ. ທັງນີ້ ປັກກິ່ງອ້າງວ່າໄຕ້ຫວັນທີ່ປົກຄອງດ້ວຍລະບົບປະຊາທິປະໄຕເປັນສ່ວນໜຶ່ງຂອງດິນແດນຈີນ. ໃນວັນທີ 31 ທັນວານີ້, ກອງທັບເຮືອສະຫະລັດໄດ້ລະບຸວ່າ ເຮືອພິຄາດ ຢູເອັສເອັສ ຈອນເອັສ. ແມັກເຄນ ແລະ ຢູເອັສເອັສ ເຄຕິສ ວິລເບີ ໄດ້ລ່ອງເຮືອຕາມປົກກະຕິຜ່ານຊ່ອງແຄບໄຕ້ຫວັນ ເຊິ່ງສອດຄ່ອງກັບກົດໝາຍລະຫວ່າງປະເທດ. "ເຮືອຮົບລ່ອງຜ່ານຊ່ອງແຄບໄຕ້ຫວັນ ເພື່ອສະແດວເຖີງພັນທະສັນຍາຂອງສະຫະລັດຕໍ່ ອິນໂດ-ປາຊີຟິກ ທີ່ເສລີ ແລະ ເປີດກວ້າງ. ສະຫະລັດຍັງຄົງເດີນໜ້າບິນ, ລ່ອງເຮືອ ແລະ ປະຕິບັດການໃດໆກໍ່ຕາມ ຕາມກົດໝາຍລະຫວ່າງປະເທດອຸນຸຍາດ". ໂຄສົກກອງທັບເຮືອສະຫະລັດກ່າວ. ລວມແລ້ວໃນປີ 2020 ນີ້ ກອງທັບເຮືອສະຫະລັດປະຕິບັດການລ່ອງເຮືອຮົບຜ່ານຊ່ອງແຄບໄຕ້ຫວັນທັງໝົດ 13 ຄັ່ງ. ສ່ວນກະຊວງປ້ອງກັນປະເທດຂອງຈີນຍັງບໍ່ໄດ້ອອກມາໂຕ້ຕອບໃດໆຕໍ່ພາລະກິດລ່ອງເຮືອຮົບລ່າສຸດຂອງສະຫະລັດ. ຄັ້ງລ້າສຸດກ່ອນໜ້ານີ້, ກອງທັບຈີນສະແດງຄວາມບໍ່ພໍໃຈຢ່າງແຮງຕໍ່ກໍລະນີທີ່ເຮືອຮົບສະຫະລັດແລ່ນຜ່ານຊ່ອງແຄບໄຕ້ຫວັນໃນວັນທີ 19 ທັນວາ ທີ່ຜ່ານມາ ແລະ ປະ...

ຄວາມເປັນໄປໄດ້ທີ່ຈະຂາຍອາວຸດໃນຄັ້ງນີ້ ເກີດຂຶ້ນໃນວັນທ້າຍໆຂອງວາລະດຳລົງຕໍາແໜ່ງປະທານາທິບໍດີ ຂອງ ທ່ານ ດໍໂນ ທຣໍາ ໃນຂະນະທີ່ວາທີ່ປະທານາທິບໍດີຜູ້ໃໝ່ ທ່ານ ໂຈໄບ ເດນ ເຄີຍປະກາດວ່າຈະລະງັບການຂາຍອາວຸດໃຫ້ແກ່ຊາອຸດິອາຣາເບຍ ເຊິ່ງເປັນຊາດຜູ້ຊື້ອາວຸດໃຫຍ່ທີ່ສຸດຂອງສະຫະລັດໃນຕາເວັນອອກກາງ, ເນື່ອງຈາກ ທ່ານ ໂຈໄບ ເດນ ຕ້ອງການທີ່ຈະກົດດັນໃຫ້ຊາອຸດິອາຣາເບຍ ຢຸດຕິສົງຄາມໃນປະເທດເຢເມນ ເຊິ່ງກໍ່ວິກິດດ້ານມະນຸດຊະທຳຄັ້ງຮ້າຍແຮງທີ່ສຸດຂອງໂລກ. ການຂາຍອາວຸດຄັ້ງນີ້ປະກອບດ້ວຍຈະຫຼວດອັດຊະລິຍະນໍາວິຖີ GBU-39 Small Diameter Bomb i ຫຼື SDB i ຈໍານວນ 3 ພັນລູກ, ອຸປະກອນສະໜັບສະໜູນ,  ອາໄລ່ ແລະ ການສະໜັບສະໜູນທາງເຕັກນິກ ເຊິ່ງມີມູນຄ່າທັງໝົດ 2.9 ແສນລ້ານໂດລາ. "ການຂາຍອາວຸດໃນຄັ້ງນີ້ ຈະເປັນການປັບປຸງປະສິດທິພາບຂອງກອງທັບຊາອຸດິອາຣາເຍຍ ໃຫ້ທັນກັບໄພຄຸກຄາມໃນປະຈຸບັນ ແລະ ໃນອານາຄົດ ໂດຍສິເພາະແມ່ນລະບົບຈະຫຼວດຍິງຈາກອາກາດສູ່ພື້ນດິນທີ່ມີຄວາມແມ້ນສຸດໆ ແລະ ມິໄລຍະການຍິງທີ່ໄກ" ກະຊວງປ້ອງກັນປະເທດຂອງສະຫະລັດຖະແຫຼງ. ຖະແຫງການຍັງໄດ້ລະບຸວ່າ: "ເນື່ອງຈາກຂະໜາດ ແລະ ຄວາມແມ້ນສຸດໆຂອງລະເບີດອັດສະລິຍະ SDB i ເຮັດໃຫ້ມັນເປັນຈະຫຼວດທີ່ມີປະສິດທິພາບ ແລະ ສ້າງຄວາມເສຍຫາຍຕໍ່ເຂດຂ້າງຄຽງໜ້ອຍກວ່າຈະຫຼວດ...

ທ່ານ ຊັນວາດໍ ອິດສ໌ລາ, ລັດຖະມົນຕີກະຊວງສາທາລະນະສຸກຂອງສະເປນ ໄດ້ຢັ້ງຢືນຜ່ານສະຖານນີທໍລະທັດທ້ອງຖີ່ນວ່າ: "ລັດຖະບານຈະບໍ່ອອກກົດບັງຄັບໃຫ້ພົນລະເມືອງທຸກຄົນຕ້ອງສັກວັກຊີນປ້ອງກັນ ໂຄວິດ-19. ແຕ່ພວກເຮົາຈະຂຶ້ນທະບຽນບຸກຄົນທີ່ປະຕິເສດຂໍ້ສະເໜີນີ້ ແລະ ແຊໃຫ້ປະເທດຫຸ້ນສ່ວນໃນສະຫະພາບເອີຣົບຮູ້, ແຕ່ເອກະສານຊຸດນີ້ຈະບໍ່ຖືກເປີດເຜີຍແພ່ຕໍ່ສາທາລະນະ ແລະ ຈະມີມາດຕະການປ້ອງກັນຂໍ້ມູນສ່ວນບຸກຄົນຢ່າງສູງສຸດ". "ວິທີການທີ່ຈະເອົາຊະນະໄວຣັດກໍ່ຄື: ການສັກວັກຊີນໃຫ້ກັບທຸກຄົນ ຍີ່ງຫຼາຍເທົ່າໃດຍີ່ງດີ" ທ່ານ ລັດຖະມົນຕີສາທາ ສະເປນ ກ່າວປິດທ້າຍ. ຜົນສຳຫຼວດຂອງສະຖາບັນວິໃຈ CIS ເຊິ່ງໄດ້ຮັບທຶນສະໜັບສະໜູນຈາກລັດຖະບານສະເປນ ພົບວ່າ: ພົນລະເມືອງສະເປນ ຈໍານວນ 40.5% ຍີນດີທີ່ຈະສັກຊັກຊີນ ໂຄວິດ-19 ທັນທີທີ່ເປັນໄປໄດ້ ແລະ ອີກ16.2% ຈະສັກກໍ່ຕໍ່ເມື່ອຈະມີຂໍ້ພິສູດທີ່ຢັ້ງຢືນຄວາມໜ້າເຊື່ອຖື. ສ່ວນຜົນສຳຫຼວດລ້າສຸດພົບວ່າ: ຄົນສະເປນທີ່ປະຕິເສດການຊັກວັກຊີນ ໂຄວິດ-19 ລຸດລົງຈາກ 47% ໃນເດືອນພະຈີກ ເຫຼືອພຽງ 28% ໃນເດືອນທັນວານີ້. ສະເປນເປັນໜຶ່ງໃນຊາດທີ່ປະສົບກັບການລະບາດຂອງພະຍາດໂຄວິດ-19 ຢ່າງນັກໜ່ວງທີ່ສຸດໃນທະວີບເອີຣົບ ເຊິ່ງໂຕເລກຜູ້ເສັຍຊີວິດລວມ (ວັນທີ 28 ທັນວ່າ 2020) ມີສູງເຖີງ 5 ໝື່ນຄົ...

ສຳນັກຂ່າວຕ່າງປະເທດລາຍງານໃນວັນທີ 29 ທັນວາ ທີ່ຜ່ານມາ, ທ່ານ ນາຍົກ ຮຸນເຊນ ຂອງກຳປູເຈຍໄດ້ປະກາດວ່າ: ກຳປູເຈຍຜະລິດນໍ້າມັນດິບຢອດທຳອິດຢູ່ໜ້ານໍ້າທາງທະເລຂອງຕົນເອງໄດ້ສຳເລັດແລ້ວ ເຊິ່ງເປັນຄວາມສຳເລັດທີ່ລໍຖ້າມາຢ່າງຍາວນານ. ບໍລິສັດເຊບຣອນເປັນຜູ້ສໍາຫຼວດ ແລະ ຄົ້ນພົບນໍ້າມັນດິຍຢູ່ເຂດອ່າວຊາຍຝັ່ງກຳປູເຈຍ ບໍລິເວນອ່າວໄທ ໃນປີ 2005, ແຕ່ການຜະລິດຕ້ອງຢຸດຕິລົງ ເນື່ອງຈາກລັດຖະບານ ແລະ ບໍລິສັດຍັກໃຫຍ່ຂອງສະຫະລັດລາຍນີ້ບໍ່ສາມາດບັນລຸຂໍ້ຕົກລົງກັນໄດ້ ກ່ຽວກັບ ການແບ່ງປັນລາຍໄດ້ ເຮັດໃຫ້ບໍລິສັດເຊບຣອນ ຂາຍຮຸ້ນໃຫ້ແກ່ບໍລິສັດ ຄຣິດເອນເນີເຈີ ຂອງສິງກະໂປ ໃນປີ 2015. ທ່ານ ຮຸນເຊນ ກ່າວຍ້ອງຍໍການຜະລິດນໍ້າມັນດິບ ໃນຄັ້ງນີ້ວ່າ: "ເປັນຄວາມສຳເລັດຄັ້ງໃໝ່ສໍາລັບເສດຖະກິດຂອງກຳປູເຈຍ. ນໍ້າມັນດິບຢອດທຳອິດຖືກຜະລິດອອກມາແລ້ວ. ປີ 2021 ທີ່ກຳລັງຈະມາຮອດນີ້, ພວກເຮົາໄດ້ຮັບຂອງຂັວນທີ່ຍິ້ງໃຫຍ່ສຳລັບປະເທດຂອງເຮົາ ນັ້ນກໍ່ຄືການຜະລິດນໍ້າມັນຄັ້ງທຳອິດໃນດິນແດນຂອງພວກເຮົາ".  ນໍ້າມັນດິບຖືກດູດຂຶ້ນມາຈາກພື້ນທະເລເຂດນອກຊາຍຝັ່ງຕະເວັນຕົກສຽງໃຕ້ຂອງສິຫະນຸວິວລ໌. ການຄົ້ນພົບແຫຼ່ງນໍ້າມັນດິບຂອງບໍລິສັດ ເຊບຣອນ ເຮັດໃຫ້ກຳປູເຈຍຫວັງທີ່ຈະເປັນປະເທດທີ່ສົ່ງອອກນໍ້າມັນລາຍຕໍ່ໄປຂອງພາກພື້ນ ໂດຍລັດຖະບານໄດ້ປະເມີ...

ປະທານາທິບໍດີຟີລິປິນ, ທ່ານ ໂຣດີໂກ ດູເຕີເຕ ບໍ່ພໍໃຈທີ່ສະຫະລັດບໍ່ຍອມສົ່ງວັກຊີນລອດໃຫຍ່ທີ່ສັ່ງໄວ້ມາໃຫ້ຟີລິປິນປານນີ້ ທັໆທີ່ປະເທດຟິລິປິນມີການລະບາດຂອງພະຍາດໂຄວິດ-19 ຢ່າງຮຸນແຮງໃນອາຊີ. ແຕ່ເປັນຫຍັງສິງກະໂປຈຶ່ງໄດ້ຮັບວັກຊີນກ່ອນ ທັງທີ່ຄົນຕິດເຊື້ອມີໜ້ອຍກ່ອນ ແລະ ຄົນຕາຍກໍ່ໜ້ອຍກ່ອນ ເຊິ່ງສິງກະໂປມີຄົນຕິດເຊື້ອບໍ່ຮອດ 6 ໝື່ນຄົນ, ຕາຍບໍ່ຮອດ 50 ຄົນເລີຍ. ໃນຂະນະທີ່ຟີລິປິນມີຄົນຕິດພະຍາດໂຄວິດ-19 ປະມານ 4 ແສນກວ່າຄົນ, ຕາຍໄປເກືອບໝື່ນຄົນ ອີກທັງງົບປະມານໃນການຈັດຊື້ວັດຊີນຕ່າງໆຂອງຟິລິປິນກໍ່ໄດ້ຕຽມໄວ້ໝົດແລ້ວ. ທ່ານ ດູເຕີເຕ ກໍເລີຍອອກມາປະກາດບໍ່ພໍໃຈຕໍ່ສະຫະລັດວ່າ: "ຟິລິປິນກູຈ່າຍເງິນຊື້ວັກຊີນໃດ ບໍ່ໄດ້ຂໍວັກຊິນມາໃຊ້ຟີຼໆ". ເນື່ອງຈາກວ່າ, ຖ້າວັກຊິນມາຊ້າເທົ່າໃດ ປະຊາຊົນຟິລິປິນກໍ່ຍິ່ງຈະດ່າຜູ້ນໍາຂອງເຂົາແຮງຂຶ້ນເລື້ອຍໆ. ດັ່ງນັ້ນ, ຮອບນີ້ ທ່ານ ດູເຕີເຕ ເລີຍອອກມາສະແດງຄວາມບໍ່ພໍໃຈ ພ້ອມທັງໄດ້ຍື່ນເງື່ອນໄຂໄປເລີຍວ່າ: "ຟິລິປິນຕ້ອງການວັກຊິນ 20 ລ້ານໂດສ໌ ສໍາລັບຄົນ 10 ລ້ານຄົນ. ໂດຍບອກວ່າ ຖ້າຫາກສະຫະລັດຍັງຊັກຊ້າຢູ່ອີກ, ລັດຖະບານຟິລິປິນຈະຍົກເລີກສັນຍາ VFA (Visiting Forces Agreement) ເຊິ່ງເປັນການຮ່ວມມືທາງທະຫານກັບສະຫະລັດທີ່ເຄີຍເຮັດໄວ້ຕອນ 20 ປີກ່ອນ. ຂໍ້ຕົ...

ຫ້ອງການຄວບຄຸມສິນຄ້ານໍາເຂົ້າ-ສົ່ງອອກຂອງນະຄອນຊຽງໄຮໄດ້ອອກມາເປີດເຜີຍໂຕເລກການຄ້າລະຫວ່າງ ນະຄອນຊຽງໄຮ ແລະ ອາຊຽນ ວ່າ: ໄດ້ຂະຫຍາຍໂຕຢ່າງເຂັ້ມແຂງໃນປີ 2020 ນີ້ ເຖີງແມ່ນວ່າຈະປະສົບກັບບັນຫາການລະບາດຂອງພະຍາດໂຄວິດ-19 ກໍ່ຕາມ. ການນໍາເຂົ້າສີນຄ້າຂອງຊຽງໄຮຈາກອາຊຽນໃນຊ້ວງ 11 ເດືອນຂອງປີ 2020 ນີ້ ມີມູນຄ່າສູງເຖີງ 3.39 ແສນລ້ານຢວນ, ເພີ່ມຂຶ້ນ 6.1% ເມື່ອທຽບກັບປີກາຍນີ້. ສ່ວນການສົ່ງອອກສີນຄ້າຈາກຊຽງໄຮໄປອາຊຽນ ມີມູນຄ່າຢູ່ທີ່ 4.33 ແສນລ້ານຢວນ, ລຸດລົງ 4.1% ເຊິ່ງສາເຫດໜຶ່ງທີ່ເຮັດໃຫ້ລຸດລົງແມ່ນມາຈາກການລະບາດຂອງພະຍາດໂຄວິດ-19. ສີນຄ້າປະເພດແຜນວົນຈອນແມ່ນປະເພດກຸ່ມສີນຄ້າທີ່ຊຽງໄຮນໍາເຂົາຫຼາຍທີ່ສຸດຈາກອາຊຽນ ໂດຍມີມູນຄ່າ 8.56 ໝື່ນລ້ານຢວນ ເພີ່ມຂຶ້ນ 20.5% ເມື່ອທຽບກັບປີກາຍ ແລະ ຕົກເປັນ 25.2% ຂອງມູນຄ່າການນໍາເຂົ້າທັງໝົດຂອງຊຽງໄຮຈາກອາຊຽນ  ສໍາລັບຫວຽດນາມ ແມ່ນໄດ້ເປັນຄູ່ຄ້າລາຍໃຫຍ່ທີ່ສຸດຂອງຊຽງໄຮຈາກອາຊຽນ ໂດຍຄິດເປັນ 27.4% ຂອງມູນຄ່າທັງໝົດລະຫວ່າງຊຽງໄຮ ກັບ ອາຊຽນ. _______________ 👉 ອ່ານຫົວຂໍ້ຂ່າວອື່ນໄດ້ຢູ່ດ້ານລຸ່ມ 👇

ເສດຖະກິດຈີນຂະຫຍາຍໂຕໄວກ່ອນທີ່ຄິດ ຕຽມແຊງໜ້າສະຫະລັດເປັນເບີ 1 ຂອງໂລກໃນອີກ 8 ປີຂ້າງໜ້າ ຫຼື ປີ 2028 ເນື່ອງຈາກລະດັບການຟື້ນໂຕທາງເສດຖະກິດທີ່ແຕກຕ່າງກັນຂອງສອງມະຫາອຳນາດໃນຊ້ວງການລະບາດຂອງພະຍາດໂຄວິດ-19. ສູນວິໄຈເສດຖະກິດ ແລະ ທຸກລະກິດ (Centre for Economics and Business Research - CEBR)ຂອງສະຫະລັດ ໄດ້ເຜີຍແຜ່ລາຍງານປະຈຳປີໃນວັນທີ 26 ທັນວ່າທີ່ຜ່ານມາ ໂດຍໄດ້ລະບຸວ່າ: ການລະບາດຂອງພະຍາດໂຄວິດ-19 ແລະ ຜົນກະທົບທາງເສດຖະກິດທີ່ເກີດຂຶ້ນເຮັດໃຫ້ຈີນກາຍເປັນຝ່າຍທີ່ໄດ້ປຽບຫຼາຍຂຶ້ນໃນການແຂ່ງຂັນຄັ້ງນີ້". CEBR ເຫັນວ່າ: ທັກສະດ້ານການຈັດການໂລກລະບາດຂອງຈີນເຊິ່ງຕັດສິນໃຈໃຊ້ມາດຕະການລ໊ອກດາວທີ່ເຂັ້ມຂຸ້ນຕັ້ງແຕ່ທຳອິດ ລວມເຖີງການທີ່ພະຍາດໂຄວິດ-19 ສົ່ງຜົນກະທົບຢ່າງຮຸນແຮງ ແລະ ຍືດເຍື້ອຍຍາວນານຕໍ່ການຂະຫຍາຍໂຕທາງເສດຖະກິດຂອງໂລກຕາເວັນຕົກ ມີສ່ວນເຮັດໃຫ້ພາບລວມເສດຖະກິດຈີນເປັນໄປໃນທິດທາງທີ່ດີຂຶ້ນ. ເສດຖະກິດຈີນມີແນວໂນ້ມທີ່ຈະຂະຫຍາຍໂຕສະເລັ່ຍ 5.7% ຕໍ່ປີ ໃນຊ້ວງລະຫວ່າງປີ 2021-2025 ກ່ອນທີ່ຈະຊະລໍໂຕລົງມາສະເລັ່ຍຢູ່ທີ່ 4.5% ຕໍ່ປີ ໃນຊ້ວງປີ 2026-2030 ຕາມການປະເມີນຂອງ CEBR. ສ່ວນສະຫະລັດຄາດວ່າເສດຖະກິດຈະກັບມາຟື້ນໂຕຢ່າງຊັດເຈນໃນປີ 2021 ແລະ ມີການຂະຫຍາຍໂຕສະເລັ່ຍ 1.9% ຕໍ່ປີໃນຊ້ວງລະຫ...

ກອງທັບອາກາດຈີນ-ຣັດເຊຍ ໄດ້ຈັດບີນລ້າຕະເວນຢູ່ເຂດພາກພື້ນອາຊີ-ປາຊີຟີກ ຮ່ວມກັນເປັນຄັ້ງທີ 2 ເຊິ່ງຕໍ່ໄປຈະຖືເປັນກິດຈະກຳຫຼັກທາງການທະຫານຮ່ວມກັນຂອງກອງທັບທັງສອງຊາດ. ໂດຍຈີນໄດ້ສົ່ງເຄື່ອງບີນຖື້ມລະເບີດ H6K ຈໍານວນ 4 ລໍາ ແລະ ຣັດເຊຍ ໄດ້ສົ່ງເຄື່ອງບີນຖື້ມລະເບີດ Tu95 ຈໍານວນ 2 ລໍາ ເພື່ອບີນລ້າຕະເວນໃນທະເລຍີ່ປຸ່ນ ແລະ ທະເລຈີນຕາເວັນອອກ. ໃນລະຫວ່າງການບິນ, ເຄື່ອງບິນຮົບຂອງທັງສອງຊາດໄດ້ປະຕິບັດຕາມກົດໝາຍລະຫວ່າງປະເທດ ແລະ ບໍ່ໄດ້ເຂົ້າສູ່ເຂດນ່ານຟ້າຂອງປະເທດອື່ນແຕ່ຢ່າງໃດ. ຖະແຫຼງການໄດ້ລະບຸວ່າ ພາລະກິດດັ່ງກ່າວເປັນເຫດການທີ່ໄດ້ລະບຸໄວ້ໃນແຜນການຮ່ວມມືທາງທະຫານປະຈໍາປີຂອງຈີນ ແລະ ຣັດເຊຍ ໂດຍບໍ່ໄດ້ຕັ້ງເປົ້າໄປໃສ່ປະເທດທີສາມແຕ່ຢ່າງໃດ. ທັງນີ້ການລ້າຕະເວນເຊິງຍຸດທະສາດທາງອາກາດຮ່ວມກັນຄັ້ງທຳອິດຂອງຈີນ ແລະ ຣັດເຊຍ ເຄີຍເກີດຂຶ້ນຕັ້ງແຕ່ເດືອນກໍລະກົດ 2019 ເຊິ່ງຕອນນັ້ນຈີນໄດ້ສົ່ງ H6K ຈໍານວນ 2 ລໍາ ແລະ ຣັດເຊຍ ໄດ້ສົ່ງ Tu95 ຈໍານວນ 2 ລໍາ ເພື່ອລ້າຕະເວນຮ່ວມກັນໃນທະເລຍີ່ປຸ່ນ ແລະ ທະເລຈີນຕາເວນອອກເຊັ່ນດຽວກັນກັບຄັ້ງນີ້, ແຕ່ໃນຄັ້ງນີ້ ຈີນໄດ້ເພີ່ມຈໍານວນເຄື່ອງບີນ H6K ຈາກ 2 ລໍາ ເປັນ 4 ລໍາ ສໍາລັບການລ້າຕະເວນຮ່ວມໃນປີນີ້ ເຊິ່ງເປັນສັນຍານຂອງການຂະຫຍາຍຂິດຄວາມສາມາດທີ່ເພີ່ມຂຶ້ນຂອງກອງທັບອາ...

ໜັງສືປົກຂາວຂອງລັດຖະບານຈີນ ວ່າດ້ວຍ "ການພັດທະນາຢ່າງຍືນຂອງການຂົນສົ່ງໃນຈີນ" ລະບຸວ່າຈີນໄດ້ພັດທະນາຢ່າງຕໍ່ເນື່ອງຈາກການເປັນຕາມກາຍເປັນຜູ້ນໍາໄປສູ່ດ້ານເຕັກໂນໂລຊີການຂົນສົ່ງ ເຊິ່ງຈີນໄດ້ພັດທະນາເຕັກໂນໂລຊີທີ່ສໍາຄັນຂຶ້ນຢ່າງຫຼວງຫຼາຍ ທັງຍັງໄດ້ສ້າງຄວາມກ້າວໜ້າທີ່ສຳຄັນຫຼາຍຄັ້ງ ໃນແວດວົງໂຄງສ້າງພື້ນຖານ ແລະ ອຸປະກອນຂົນສົ່ງ ດັ່ງຈະເຫັນໄດ້ຈາກໂຄງການຂະໜາດໂຄງການຂະໜາດໃຫຍ່ ແລະ ໂຄງການລະດັບໂລກ. ລາຍງານຍັງໄດ້ລະບຸວ່າ ຈີນເປັນຜູ້ສ້າງລົດໄຟໃນພື້ນທີ່ສູງ ພ້ອມທັງມີອຸນຫະພູມທີ່ຕໍ່າຫຼາຍ ແລະ ລາງລົດໄຟທີ່ບັນທຸກສີນຄ້າໜັກ.  ຈີນໄດ້ແກ້ບັນຫາທາງດ້ານເຕັກນິກທີ່ທ້າທາຍທີ່ສຸດໃນການກໍ່ສ້າງທາງຫຼວງບົນສະພາບທາງທໍລະນວິທະຍາທີ່ຍາກລໍາບາກ ເຊັ່ນ: ເຂດພູສູງທີ່ມີຊັ້ນດີນຄົງໂຕ ແລະ ທະເລຊາຍ. ນອກຈາກນີ້ ຈີນຍັງເປັນຜູ້ນໍາທາງດ້ານເຕັກໂນໂລຊີໃນການສ້າງທ່າເຮືອ, ຊາຍຝັ່ງ, ການປັບປຸງແມ່ນໍ້າຂະໜາດໃຫຍ່ ແລະ ທາງນໍ້າຍາວ ລວມທັງການສ້າງເດີນຍົນຂະໜາດໃຫຍ່. ພາຍໃນປີ 2019, ຄວາມຍາວລວມຂອງທາງລົດໄຟຄວາມໄວສູງທົ່ວປະເທດຈີນທະລຸ 35 ພັນກີໂລແມັດ ເຊິ່ງຕົກເປັນ 2 ໃນ 3 ຂອງທາງລົດໄຟຄວາມໄວສູງທັງໝົດຂອງໂລກ. ຈີນໄດ້ສ້າງທາງລົດໄຟຄວາມໄວສູງປັກກິງ-ກວາງໂຈ ເຊິ່ງເປັນທາງລົດໄຟຄວາມໄວສູງທີ່ຍາວທີ່ສຸດໃນໂລກສໍາເລັດແລ້ວ 100%...

ພໍ່ໃຈດີ ຈູດບັ້ງໄຟສີຊຸດໃຫຍ່ ສະຫຼອງໃຫ້ລູກຊາຍທີ່ເສັງໄດ້ 7 ຄະແນນ ຈາກຄະແນນເຕັມ 100 ຄະແນນ. ເນື່ອງຈາກລູກຊາຍມັກຈະເສັງໄດ້ "ສູນ (0)" ຄະແນນມາໂດຍຕະຫຼອດ. ເຫດການນີ້ເກີດຂຶ້ນຢູ່ປະເທດຈີນ ເຊິ່ງມີພໍ່ຄົນຈີນລາຍໜຶ່ງຊື່ ທ້າວ ຈ່າວ, ເປັນກຳມະກອນຢູ່ໃນເຂດອຸດສະຫະກຳໂຮງງານສີມັງ ເກີດຄວາມພູມໃຈໃນໂຕລູກຊາຍຫຼາຍ ຍ້ອນວ່າລູກຊາຍຂອງລາວເສັງໄດ້ 7 ຄະແນນ ຈາກຄະແນນເຕັມ 100 ຄະແນນ ເຊິ່ງພໍ່ຄົນຈີນຜູ້ນີ້ຖືວ່າເປັນຄວາມສຳເລັດອັນຍີ້ງໃຫຍ່ຂອງລູກຊາຍລາວ ເພາະຕະຫຼອດເວລາທີ່ຜ່ານມາ ລູກຊາຍຂອງລາວມັກຈະເສັງຕົກໂດຍໄດ້ "ສູນ (0)" ຄະແນນມາຕະຫຼອດ. ຜູ້ເປັນພໍຈຶ່ງໄດ້ຕັດສີນໃຈມອບລາງວັນໃຫ້ກັບລູກຊາຍດ້ວຍການຈູດກະໂພກ ແລະ ບັ້ງໄຟຊຸດໃຫຍ່ ລວມມູນຄ່າ 1,000 ຢວນ ຫຼື ປະມານ 1 ລ້ານ 5 ແສນກີບ ຂົນກັບມາບ້ານຂອງລາວ ແລ້ວຈັດວາງ ແລະ ຈູດ ສະຫຼອງໃຫ້ກັບລູກຊາຍໄດ້ເຫັນ ໂດຍໃຊ້ເວລາດົນກວ່າ 10 ນາທີ ກະໂພກ ແລະ ບັ້ງໄຟສີຈຶ່ງຈະຢຸດເຊົາ ເພື່ອສະຫຼອງໃຫ້ກັບ 7 ຄະແນນຂອງລູກຊາຍທີ່ໄດ້ມາ. ແລະ ຈາກການທີ່ ທ້າວ ຈ່າວ ສະຫຼອງແບບນີ້ ເຮັດໃຫ້ລູກຊາຍມີກຳລັງໃຈໃນການຮຽນຫຼາຍຂຶ້ນ ຈົນສາມາດເສັງໄດ້ 57 ຄະແນນໃນຄັ້ງຕໍ່ມາ. ສ່ວນເພື່ອນບ້ານໃກ້ຄຽງຕ່າງພາກັນສົງໃສວ່າ ທ້າວ ຈ່າວ ຈູດກະໂພກ ແລະ ບັ້ງໄຟສີເນື່ອງໃນໂອກາດຫຍັງ ເຊິ່ງ ທ້າວ ຈ...

ກະຊວງການຄ້າຂອງສະຫະລັດ ປະກາດຂຶ້ນບັນຊີດຳບໍລິສັດຈີນ ແລະ ຣັດເຊຍ ກວ່າ 100 ບໍລິສັດ ເຊິ່ງປະກອບມີບໍລິສັດຈີນ 58 ແຫ່ງ ແລະ ບໍລິສັດຣັດເຊຍ 45 ແຫ່ງ ໂດຍໃຫ້ເຫດຜົນວ່າບັນດາບໍລິສັດເລົ່ານີ້ພົວພັນກັບກອງທັບຈີນ. ນັ້ນກໍ່ໝາຍຄວາມວ່າ ຖ້າບໍລິສັດໃດຂອງສະຫະລັດທີ່ຕ້ອງການຈະຄ້າຂາຍ ເພື່ອວັດຖຸປະສົງທາງການທະຫານກັບບັນດາບໍລິສັດທີ່ຖືກຂຶ້ນບັນຊີດຳເລົ່ານີ້ ຈະຕ້ອງໄດ້ຂໍອະນຸຍາດຈາກລັດຖະບານສະຫະລັດກ່ອນ. ສ່ວນ ທ່ານ ວິວເບີ້ ຣອດສ໌, ລັດຖະມົນຕີກະຊວງການຄ້າຂອງສະຫະລັດ ໄດ້ກ່າວວ່າ: "ກະຊວງການຄ້າໄດ້ຄຳນຶງເຖີງຄວາມຈໍາເປັນໃນການຍົກລະດັບການເປັນພັນທະມິດກັບບໍລິສັດຂອງສະຫະລັດ ແລະ ບໍລິສັດທົ່ວໂລກ ເພື່ອຕໍ່ສູ້ກັບຈີນ ແລະ ຣັດເຊຍ ທີ່ພະຍາຍາມຖ່າຍໂອນເຕັກໂນໂລຊີຂອງສະຫະລັດໄປຍັງໂຄງການດ້ານການທະຫານຂອງພວກເຂົາ". ເຊິ່ງມາດຕະການດັ່ງກ່າວຂອງສະຫະລັດທີ່ອອກມາໃນຄັ້ງນີ້ຈະເປັນການເປີດທາງໃຫ້ລັດຖະບານສະຫະລັດສາມາດເຂົ້າມາກວດສອບບໍລິສັດຕ່າງໆທີ່ອາດມີຈີນເປັນເຈົ້າຂອງ ຫຼື ຄອບຄອງໂດຍກອງທັບຈີນອີກດ້ວຍ. _______________ 👉 ອ່ານຫົວຂໍ້ຂ່າວອື່ນໄດ້ຢູ່ດ້ານລຸ່ມ 👇

ເລື່ອງນີ້ໄດ້ຮັບການເປີດເຜີຍຈາກສະຖາບັນວິໃຈສັນຕິພາບລະຫວ່າງປະເທດ ສະຕອດໂຮມ (Stockholm International Peace Research Institute) ຫຼື SIPRI. ຍອດເງິນການຂາຍອາວຸດ ແລະ ບໍລິການທາງການທະຫານຂອງ 25 ບໍລິສັດທີ່ໃຫຍ່ທີ່ສຸດຂອງໂລກ ມີມູນຄ່າລວມກັນທັງໝົດສູງເຖີງ 361 ພັນລ້ານໂດລາ ໃນປີ 2019 ເຊິ່ງຫຼາຍກວ່າປີ 2018 ເຖີງ 8.5%. ທາງສະຖາບັນ SIPRI ໄດ້ເປີດເຜີຍຕື່ມອີກວ່າ, ໃນ 25 ບໍລິສັດຄ້າອາວຸດທີ່ໃຫຍ່ທີ່ສຸດຂອງໂລກ, ມີບໍລິສັດຈີນ 4 ແຫ່ງໄດ້ກາຍເປັນຜູ້ຜະລິດອາວຸດທາງການທະຫານລາຍໃຫຍ່ທີ່ສຸດໃນໂລກ ເຊິງມີມູນຄ່າລວມກັນເທົ່າກັບ 56 ພັນລ້ານໂດລ່ ໃນປີ 2019. ເຮັດໃຫ້ລ້າສຸດ ຈີນໄດ້ແຊງໜ້າຣັດເຊຍ ແລະ ຫຼາຍປະເທດໃນເອີຣົບ ຈົນສາມາດຂຶ້ນມາເປັນຜູ້ຂາຍອາວຸດລາຍໃຫຍ່ທີ່ສຸດອັນດັບ 2 ຂອງໂລກ ເປັນຮອງພຽງແຕ່ສະຫະລັດອາເມລິກາເທົ່ານັ້ນ. ສິ່ງໜຶ່ງທີ່ສ້າງໃຫ້ຈີນເປັນມະຫາອຳນາດໃນການຄ້າອາວຸດສົງຄາມ ກໍ່ມາຈາກແນວຄິດໃນການພັດທະນາຄວາມທັນສະໄໝທາງທະຫານ ແລະ ຄວາມຮ່ວມມືດ້ານການທະຫານລະຫວ່າງຈີນກັບປະເທດຕ່າງໆໃນແຖບທະວີບອາຊີ ແລະ ປະເທດແຖບອັບຟຣິກາ ເຮັດໃຫ້ຍອດຂາຍອາວຸດຂອງຈີນ ຖີບໂຕຂຶ້ນຢ່າງສູງໃນຮອບຫຼາຍປີທີ່ຜ່ານມາ. ໂດຍມີສະຫະລັດຄອງສ່ວນແບ່ງຂອງການຂາຍອາວຸດສູງເຖີງ 61% ຂອງມູນຄ່າການຊື້ຂາຍອາວຸດຂອງ 25 ບໍລິສັດໃຫຍ່. ສ່ວນຈີນຢ...